Nivelon, fils de Garin sans Barbe, donne aux moines de Marmoutier la terre de Villeberfol, l'emplacement d'un moulin et un colibert appelé Hildebert. Il reçoit 50 sous.

l.1 Nosse debebitis si qui eritis posteri nostri, Majoris scilicet hujus habitatores Monaste-
l.2-rii Sancti MARTINI, Nivelonem filium Guarini sine Barba, donasse pro sua ejusdemque patris
l.3 sui Guarini ac matris Hersindis animabus Sancto Martino et nobis, sub regimine nunc agen-
l.4-tibus domni abbatis Alberti, quandam terram in Vindocinensi pago sitam, quȩ vulgo appel-
l.5-latur Villa Berfodii, donasse vero eam solidam et quietam cum omni integritate sui, cum
l.6 consuetudinibus omnibus, et aqua ad ipsam pertinente terram, et area unius molendini,
l.7 et uno quoque coliberto, Hildeberto nomine, cum toto ejus jam ex se nato vel nascituro fructu.
l.8 Annuit ad hoc Ivo de Curba villa dominus ejus cum liberis suis his nominibus, Girogio,
l.9 Rodulfo, Ivone, atque Hugone, de quo ipse Nivelo prȩdictam terram in fevum videbatur
l.10 tenere. Guanilo quoque thesaurarius de quo Ivo tenebat, et ipse nichilominus
l.11 annuit. Tetbaldus comes horum omnium dominus, sua etiam auctoritate confir-
l.12-mavit. Istorum itaque ad quos pertinebat auctoramento fecit Nivelo pro sua, ut dictum est,
l.13 parentumque suorum animabus donationem totius prȩscriptȩ terrȩ et consuetudinum
l.14 ejus cȩterarumve simul rerum, id est aquȩ, areȩ molendini, atque coliberti. Nos tamen
l.15 ob istud dedimus ei L Dunenses solidos, recompensandȩ karitatis potius gratia
l.16 quam precii. Unde ipse magis gratanter hoc donum fecit, et terram ipsam de suo
l.17 jure in nostrum funditus transferens, possidendam nobis perpetuo, et donavit et annuit.
l.18 Cujus rei testes existunt, prȩfatus abbas noster, qui denominatos solidos per Gualterium
l.19 monachum ministrum suum ipsi dari jussit, et hii qui tunc pariter aderant tam de
l.20 monachis quam de laicis: [colonne1] Guanilo, nepos thesaurarii Guanilonis, Gausbertus, camberlencus ejus, Petrus filius Gradulfi, Guido, frater ejus, Gualterius de Villa Malor, Helgodus, filius Arnulfi de Condei, [colonne2] Hubertus, Loetins, Gonherius faber, Guarinus, major de Sancto Ylario, Dacfredus, famulus de Castro Duno, Gualterius, presbyter de Cloia, Vitalis clericus, [colonne3] Guarinus clericus, camberlencus domni abbatis, Hildebertus quocus, Frotgerius mariscalcus, Arnulfus monachus, Genzo monachus.

1

SALMON (A.), Appendice au Livre des Serfs de Marmoutier, Tours, 1864 (Mémoires de la Société archéologique de Touraine, 16), p. 119-122, n° 1.

MABILLE (E.), Cartulaire de Marmoutier pour le Dunois, Châteaudun, 1874, p. 98-99, n° 107.

BARTHELEMY (Dominique), La société dans le comté de Vendôme : de l'an mil au XIVe siècle, Paris, Fayard, 1993, p. 382, note 149 (étude).