Adhémar des Moulins mourrant donne la moitié de l'area du moulin de Nialchias.

l.1 [Notum sit his qui] post nos futuri sunt habitatores ȩcclesiȩ sancti MARTINI quȩ est apud Lavarzinum, quod quidam vir nomine Hademarus de Molendinis veniens ad mortem donavit
l.2 [ecclesie sancti Martini] et nobis medietatem areȩ molendini apud Nialchias. Aliam autem medietatem jampridem ante plurimos annos dederat nobis auctorante
l.3 [domino suo Thoma de Genestia] quicquid nobis de ejus fevo donaret, testibus duobus viris Adelelmo de Rupe et alio Adelelmo Perchuino milite ejusdem Thome, ea con-
l.4-veniencia, ut a nobis sepeliretur idem Hademarus apud ȩcclesiam nostram cum ejus obitus adveniret, quod et fecimus. Pater autem ejusdem Hademari donaverat prefate ȩcclesiȩ
l.5 [sancti Martini apud] Villam Rellam VI arpennos terrȩ. Sed ipse Hademarus nunquam voluit hoc auctorare in vita sua. Veniens vero ad mortem, auctoravit nobis
l.6 [supradictam terram, cum] area molendini, et omni terra quam habebat circa domum nostram quȩ est apud Nialchias. Hec omnia annuerunt uxor ejus Letgardis, et [fi-
l.7-lii Theodericus, Rainaldus] et Stephanus, et filia ejus Richildis. Testes qui hoc viderunt et audierunt sunt hii: [Radulfus] frater supradicte uxoris Hademari, Adelelmus de Rupe, Odo frater
l.8 [ejusdem, Rainaldus] filius Gauscelini. Ex parte nostra fuerunt hii: Radulfus prior ejusdem celle sancti MARTINI, Constantinus monachus, Ebrardus de Nialchias,
l.9 [Gauffridus] famulus, Stephanus boverius, Eudo coquus, Odo famulus domni Radulfi prioris. Donationem areȩ molendini auctoravit Gausfredus Turmellus, et tȩrrȩ nostrȩ
l.10 [que circa] domum est, qui ibi advenit moriente Hademaro, eo quod de illius beneficio [eam] tenebat Hademarus. Census areȩ et terrȩ que circa domum est reddatur filiis
l.11 [Hademari in decollatione] sancti Johannis X denarii.

1