Aimeric Gaimard, seigneur de Lavardin, donne aux religieux de Lavardin, prieuré de Marmoutier, la pécherie de Montoire. Hamelin de Montoire approuve et confirme ce don.

l.1 Fidelium dilectioni litteris notificare curavimus, quod Haimericus
l.2 Gaimardus Lavarzini dominus, dedit sancti MARTINI monachis, Lavarzini
l.3 commorantibus, pro animabus suorum parentum, piscationem suam de molendinis
l.4 Aurei Montis, perpetuo habendam, gratantissime faciens eis auctorationem
l.5 omnium rerum, quas sui antecessores sancto Martino et ipsis monachis dederant.
l.6 Unde faciens donum domno Petro tunc Lavarzini priori, revestivit eum
l.7 inde per quendam baculum hulseaticum ad fenestras Lavarzinensis aulae
l.8 multis presentibus. Ex quibus sufficiant in testimonium, Matheus
l.9 Borrel, Giraldus siniscalpus, Hugo Nigra Bodella, Ebrardus Seseptimus,
l.10 Rainaldus Seseptimus, Hilgotus de Brueria, Carotus burgensis, Hubertus
l.11 frater Fulcodii, Lebertus famulus, et Golandus canonicus. Beatrix quoque
l.12 ipsius Gaimardi soror hoc donum et hanc auctorationem gratanter auctoravit,
l.13 sub his iterum testibus, qui cum ipsa erant, Galterio bastardo fratre ipsius, Hilgoto
l.14 de Brueria. Cum priore vero erant Golandus canonicus, Carotus et Lebertus.
l.15 Deinde jamdictus prior adivit nichilominus Hamelinum de
l.16 Aureo Monte supplicans ut et ipse auctoraret ne videlicet dum
l.17 guerra foret inter Lavarzinum et Aureum Montem, monachi perderent
l.18 quod pace existente sine contradictione possidebant. Quod Hamelinus gra-
l.19-tantissime annuit prefato priore promittente sibi quatinus die anniversa-
l.20-ria depositionis Haluissȩ uxoris ejus monachi de Lavarzino annuatim
l.21 signa sua sonarent, memoriam tam ejus quam omnium fidelium in orationibus suis
l.22 facientes. Hoc viderunt et audierunt: Guido de Luceria, Gausfredus Blancus
l.23 frater ejus, Chainolius siniscalpus Hamelini, Teodericus venator, Girbertus vigerius,
l.24 Mauricius Minterius qui cum priore erat. Philippus quoque [ipsius] Hamelini [filius]
l.25 hoc gratanter pro anima matris sue auctora[vit].

1