Salomon de Lavardin et Adèle, sa femme, fondent un prieuré à Lavardin en l'honneur de saint Gildéris et lui donnent plusieurs terres.

l.1 Quanta et quam benignissima circa humanum genus Dei existit pietas, nullus mortalium
l.2 vel corde cogitare vel verbis dicere potest. Invitat enim nos ut post multa perpetrata scelera ad eum
l.3 redeamus pie et misericorditer dicendo: Venite ad me omnes qui laboratis et onerati estis, et ego vos reficiam.
l.4 Et in alio loco ȩvangelii, ortatur nos ut de terrenis rebus atque caducis adquiramus cȩlestia et in ȩternum mansura taliter
l.5 inquiens: Facite vobis amicos de mamona iniquitatis, ut cum defeceritis recipiant vos in ȩterna tabernacula. Iccirco
l.6 ego in Dei nomine Salomon et uxor mea Adela, concedentibus filiabus nostris Matilde et Avelina, nostrorum reminiscentes multi-
l.7-tudinem peccatorum, et ultimi judicii diem fortiter expavescentes, atque cum illis fidelibus quibus Deus in illa die dicturus est: Venite,
l.8 benedicti patris mei, [percipite regnum] quod vobis paratum est, aggregari desiderantes, donamus ad locum Majoris monasterii quem beatus
l.9 MARTINUS construxit in honorem sancte Dei genitricis MARIȨ et sanctorum apostolorum PETRI ET PAULI CONSECRAVIT, et monachis ibidem Christo ser-
l.10-vientibus quandam terram ex canonicis sancti GEORGII comparatam super ripam Ledi fluvii sitam. In qua videlicet terra construximus ȩcclesiam in
l.11 honore sancti GELDRICI confessoris, cui ȩcclesiȩ de nostris propriis possesionibus donavimus duos scilicet furnilos et unam mansuram de terra in illa villa quȩ
l.12 vocatur Aferguz, et in terra sancti [Genesii], terram ad unum modium et dimidium sementis, de vineis tres arpennas de pratis vero IIos arpennas super aqua quȩ
l.13 dicitur Breia, quȩ omnia libere [et quiete] nemine contradicente conparatione legali censualiter tenemus atque possidemus, et ad integrum ab hodierna die
l.14 in posterum pro redemptione et remedio animarum nostrarum tradimus supradicto loco beatissimi MARTINI et monachis ibi degentibus in perpȩtuum possidenda.
l.15 Adhuc autem concedo ipsis [monachis] auctorizantibus Adela uxore mea et filiabus nostris Matilde et Avelina, [quicquid] eis datum vel venditum fuerit
l.16 ab omnibus hominibus meis militibus, [burgensibus, servis,] ingenuis, tam de meo fevo quam de extraneo. De tota vero terra quam [dedi] supradictis monachis, sive quam
l.17 adquirere poterint donatione et [emptione], habeant ipsi monachi omnes consuetudines et forisfacturas semper solutas et quietas, sicut et ego de mea quam ego
l.18 possideo, ea scilicet ratione ut semper memoriam nostri in suis orationibus habeant, et pro nobis peccatoribus Dei clementiam exorent, ut cum nobis dies
l.19 mortis advenerit, non gaudeat de animabus nostris pestifer inimicus, sed eas per BEATI MARTINI intercessionem eripiat misericordia Christi de manu diaboli et de
l.20 pȩnis inferni, et transferat ad gaudia paradisi. Si autem aliquis ex fratribus et sororibus vel nepotibus seu aliis propinquis, aut ullus unquam homo vel femina contra
l.21 hanc donationem, quam libera mente et propria voluntate ex nostris rebus facimus, aliquam calumpniam monachis post nostrum decessum inferre voluerit, nisi cito humiliatus
l.22 ad eos ad satisfactionem venerit, in primis Dei omnipotentis et perpetuȩ virginis MARIȩ atque BEATI PETRI, qui habet claves regni cȩlorum seu gloriosi
l.23 confessoris Christi MARTINI necnon et omnium electorum Dei iram incurrat, et cum Juda traditore atque Symone mago seu omnibus inimicis
l.24 sanctȩ Dei ȩcclesiȩ, vivus in infernum descendat et semper ibi ardeat, et veniat super animam ejus omne genus infernalium tormentorum per infinita
l.25 secula seculorum, ejusque calumnia ab [omnibus] pro nichilo habeatur. Ut igitur hȩc auctoritas firmior atque stabilior sit, eam manibus nostris
l.26 subter firmavimus, et manibus seniorum nostrorum et multorum virorum nobilium firmandam et CORROBORANDAM tradidimus.
l.27 [croix] Signum HUBERTI EPISCOPI ANDEGAVENSIS QUI HANC EXCOMMUNICATIONEM FIRMAVIT. [colonne1] [croix] S. Salomonis. S. [croix] Adelȩ uxoris ejus. S. [croix] Mahildis ejus filiȩ. S. Avelinȩ ejus filiȩ. S. Rotgerii generi eorum. [colonne2] S. Fulcherii Divitis. S. Wlgrini. S. Rainardi siniscalli. S. DROGONIS filii Francherii. S. Gaufredi filii Hilgodi. [colonne3] S. Hugonis Burrelli. S. Raherii de Boloria. S. Warini. S. Viviani. S. Wilelmi. [colonne4] S. Wineberti. S. Rogerii. S. Fulberti de Rupe. S. Waldrici. S. Ildiberti vigerii. [colonne5] S. Arnulfi Preselini. S. Theoderici Claudi. De monachis fuerunt hi: S. domni Alberti abbatis. S. Walterii monachi. S. Ildeberti monachi. S. Wilelmi monachi.

1