Jean, abbé de Saint-Arnoul de Metz, à la demande des hommes du domaine de Morville, donné précédemment à son monastère par le comte Rambaud, limite les services arbitraires auxquels ces hommes étaient jusqu'alors soumis et leur impose des redevances et corvées fixes, semblables à celles exigées sur les autres domaines de l'abbaye.

l.1 TEMPORE VENERANDI ABBATIS JOHANNIS IN MONASTERIO SANCTI ARNULFI, CONTIGIT HOMINES EX PREDIO ILLUSTRISSIMI QUONDAM VIRI REGIMBALDI, QUOD DICITUR MAURIVILLA, QUOD ITEM BONA SPE SUAE REMEDII
l.2 animȩ, in jus et dicionem monasterii ex hereditario suo transfuderat, ut clementiam predicti abbatis pro re suis expeterent necessitudinibus profutura, ut scilicet quoniam vir ipse clarissimus
l.3 Regimbaldus, qua vivens eos lege et quolibet famulandi dominio detinuerat, eadem monasterio conditione simul cum predio toto subjecerat, id est, ad quoscumque imperii jussus obsequendi
l.4 certum quid, quo more circumpositarum usibus ecclesiasticis subjacentium potestatum inniti valerent, eis pro suae gratiȩ munificentia instituere dignaretur ut eo tandem quod presenti
l.5 illius sanctione eis foret indictum, ex tunc deinceps in futurum obnoxii amplius quid sibi nequaquam exigi in posterum debuisset. Hoc idem venerabilis abbas Johannes, ad secum Domino
l.6 militantes fratres suae congregationis referens, diuque inter se causa versata attentius, quando utili suo nulla id in parte officere videretur, postulationi eorum non indignum assentiri duxerunt.
l.7 Communi itaque fratrum consulti, auctore etiam viro clarissimo Teodeberto, palatii comite, ipsius monasterii advocato, cum plurimis tam suae dicionis quam quoquo pacto loci ejusdem
l.8 fidelibus, ipsis quoque predii ipsius hominibus cunctis pariter assentientibus et grato animo suscipientibus sibique placere fatentibus, decrevit sepe jam nominatus abbas Johannes pro-
l.9-ut possibile eis esse perspexit more aliorum in jus monasterii consistentium, hac ingenuitatis lege pristinis eos emancipare servitiis, id est quod inibi mansa esse noscuntur ex singulis
l.10 annuatim untia argenti inter festivitatem sancti Arnulfi et sancti Martini pendatur. Faciat preterea mansus unusquisque anzingam integram in corrogata, dies II ad utramque sationem,
l.11 in prato dies duos, noctes quoque septem in carropera, ex quocumque servitio indicitur carra II, terit annonȩ cujuslibet generis modios V; mittit in vinea homines duos, manso
l.12 publico cludendo perticas II, in corrogata perticas IIII, in prato perticas IIII, in vineis perticas IIII, pullos III, ova XV; vendit ex publica taberna vini modios VIII, mundilionum
l.13 si qui extra positi sunt, masculus denarios V, femina pullum I persolvit. De cȩtero tam terras sortium suarum quam quȩque ad se pertinentia nomine ac jure ingenuitatis habeant,
l.14 teneant libereque possideant. Que ingenuitatis libertas, ut eis in posterum a quibuscumque monasterio deinceps successuris firma et ut communi totius congregationis astipulatione
l.15 est condicta atque indulta, permaneat omni tempore hoc suȩ robur auctoritatis abbas Johannes, simul et cȩteri sacri monastici ordinis sub eo illis fieri voluerunt suisque fideliumque
l.16 loci signis et nominibus firmaverunt. Actum Mettis publice, nundinis annalibus, sub die XVII kalendas septembris, anno imperii serenissimi augusti Ottonis VI, regni vero junioris
l.17 incliti Ottonis regis VII, presulatus domni Deodrici egregii antistitis III, duce illustrissimo Friderico, indictione X.
l.18 Signum domni Johannis, reverentissimi abbatis. [croix] Signum Vuarnardi decani. [croix] Johannis presbiteri. [croix] Allonis presbiteri. [croix] Gundini presbiteri. Signum Amolfridi presbiteri. Signum Fredulfi presbiteri.
l.19 [croix] Signum Haimonis diaconi . [croix] Odonis diaconi. [croix] Rainardi diaconi. [croix] Radiconis diaconi. [croix] Martini diaconi. [croix] Haimerici diaconi. [croix] Dudonis diaconi. [croix] Constantii subdiaconi.
l.20 [croix] Signum Teodeberti comitis palatii. [croix] Anselmi judicis. [croix] Hudonis. [croix] Baldradi. [croix] Ailardi. [croix] Gerardi. Signum Vuidrici. Signum Vuilhelmi. Signum Honradi.
l.21 [croix] Signum Basei. [croix] Nevasi. [croix] Tietheri. Signum Amalrici. Signum Johannis. Signum Lotperti. Signum Tietaldi. Signum Bernulfi. Signum Harovuini. Signum Hermeri. Signum Fainulfi. Signum Otberti. Signum Heldebrandi. Signum Hardradi.
l.22 JOHANNES CANCELLARIUS ET PRESBITER AC SI INMERITUS SCRIPSI ET SUBSCRIPSI. JOHANNES CANCELLARIUS ET PRESBITER AC SI INMERITUS SCRIPSI ET SUBSCRIPSI.

Histoire de Metz, par les religieux bénédictins de la Congrégation de Saint-Vanne, 6 vol., Metz, 1775, t. 3, Pr, p. 78.

Chartes originales antérieures à 1121 conservées dans le département de la Meurthe-et-Moselle, Nancy, 1977, (Cahiers du CRAL ; 28), p.43-44.