Paris, AN, K 21 n° 1/3

<< < / > >>

Numéro2130

Fiabilité de l'actenon suspecté

Genrecharte

Date03/08/1108(fiabilité :édition)

LieuParis(lat :publice Parisius, in capitulo Sanct? Mari?)

DiocèseParis

RégionIle-de-France

Supportparchemin

Chirographienon

Sceau sceau plaqué perdu

Etat de la traditionoriginal

Hauteur à gauche492   mm

Hauteur à droite486   mm

Largeur en haut264   mm

Largeur en bas261   mm

AuteurGalon, évêque  de  PARIS

BénéficiaireAbbaye  de  SAINT-MARTIN-DES-CHAMPS  de  PARIS

Regeste

Galon, évêque de Paris, concède à l'abbaye de Saint-Martin-des-Champs de Paris la terre d'Aulnay, avec le consentement du comte Robert Ier de Meulan et des seigneurs du Puiset, qui tenaient en fief cette terre de l'église de Paris.

Texte

l.1 [croix] IN NOMINE SANCTE ET INDIVIDUE TRINITATIS.
l.2 Quoniam juxta Apostolum, qui manet in caritate, in Deo manet, et Deus in eo, neces-
l.3-sarium est confratrum nostrorum necessitatibus nos condescendere, et aurem misericordie neces-
l.4-saria petentibus misericorditer apperire, ut per matrem omnium virtutum caritatem, templum Dei,
l.5 vas electionis efficiamur, et in die districti examinis, si misericordes hic fuerimus, Deum nobis
l.6 misericordem ac propitium invenire mereamur. Scriptum est enim: Beati misericordes, quoniam
l.7 misericordiam consequentur. Ego igitur Gualo, Dei gratia Parisiorum episcopus, misericordia quidem
l.8 motus, caritatis que non agit perperam, igne accensus, quandam terram que vocatur Alnetum ecclesie
l.9 Sancti Martini de Campis, concordi quidem canonicorum nostrorum assensu, jure perpetuo habendam
l.10 concessi: salvis quidem consuetudinibus quas Parisiensis episcopus in terram illam habebat, tempore Galeranni
l.11 de Villaperor qui predictum terram possidebat. Huic autem dono Robertus comes de Mellanto, qui terram
l.12 illam a nobis in feodum habebat; Guido etiam de Puteaco et Galerannus frater ejus, Hugo quoque filius
l.13 Evrardi de Puteaco ad quem pertinebat hereditas illius feodi; isti, inquam, omnes legitimum assensum prebuerunt;
l.14 ita scilicet ut ecclesia Sancti Martini terram illam possideret sicut predictus Galerannus possidebat, eo die quo donum
l.15 istud factum est. Facta est autem hec concessio et hoc donum hac conditione ut, salvo in omnibus jure et
l.16 consuetudine Parisiensis episcopi, neque hospites nostri, neque res eorum contra voluntatem nostram vel successorum
l.17 nostrorum in predictam terram recipiantur. Diffinitum est etiam et omnino concessum, ut quandocunque aut ego, aut quilibet
l.18 successor noster, Pariensis episcopus, centum libras Parisiensis monetȩ ad medietatem factȩ ȩclesiȩ Sancti Martini impenderet, eadem
l.19 ȩclesia vel nobis, vel successoribus nostris medietatem predictȩ terrȩ et omnium ad illam pertinentium ex integro habendam, concederet;
l.20 ea videlicet conditione ut denominata pecunia de rebus quidem episcopi vel propriis, vel sibi accommodatis, traderetur, et nulla
l.21 alia persona, quasi sub nomine episcopi, ad possidendam terram illam admitteretur. Determinatum est etiam ut postquam medietas
l.22 illa in dominium episcopi deveniret, neque episcopus absque priore Sancti Martini, neque ille absque assensu episcopi, vel talliam, vel aliquem alium
l.23 questum a predicta terra exigeret. Ut autem hȩc concessio et conditio perpetuȩ stabilitatis muniantur privilegio, presentem cartam fieri de-
l.24-crevimus, et in testimonium veritatis figuris nominum nostrorum illam signavimus. [croix] Signum Galonis episcopi. S. Berneri decani.
l.25 S. Ade precentoris. S. Guilelmi archidiaconi. S. Stephani archidiaconi. S. Rainaldi archidiaconi. S. Durandi presbiteri. S. Alexandri
l.26 presbiteri. S. Landonis presbiteri. S. Fulconis levitȩ. S. Hulduini levitȩ. S. Guineranni levitȩ. S. Fulberti subdiaconi.
l.27 S. Guidonis subdiaconi. S. Rotberti subdiaconi. Actum publice Parisius in capitulo Sanctȩ Mariȩ, anno ab incarnatione Domini MC-
l.28-VIIIvo, indicione XVma, epacta XVIIma, concurrente IIIo, Lugdovico rege regnante anno Io, anno episcopatus Gualonis
l.29 IIIIto. Girbertus cancellarius subscripsit.
l.30 [sceau].

Bibliographie

DEPOIN (Joseph), Recueil des chartes et documents de Saint-Martin-des-Champs, Ligugé-Paris, 1912 (Archives de la France monastique, 13), t. 1, p. 197-199, n° 124.

Responsable

M. Courtois

Comment citer cette notice

Acte n°2130 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2130»[En ligne] http://www.cn-telma.fr/originaux/charte2130/. Date de mise à jour : 29/03/12.