Galon, évêque de Paris, et Guillaume, archidiacre, concèdent aux religieux de Saint-Martin-des-Champs les autels d'Eragny, Arnouville-les-Gonesse, Dugny et Livry.

l.1 IN NOMINE SANCTE ET INDIVIDUE TRINITATIS.
l.2 Quoniam apostolitis instruimur documentis, quatinus bonum ad omnes, maxime autem ad domesti-
l.3-cos fidei operemur, cura sollicitudinis adhibenda est ut eorum precipue qui mundo mortui, pauperes
l.4 spiritu, cumtemplacioni vacare studuerunt, necessitates, et angustias oculo misericordie respiciamus,
l.5 eorumque indigenciam nostre largitatis habundantia temperemus; ut, per bonorum operum exhibitionem, in ȩterna taber-
l.6-nacula nostram preparemus cum Christo mansionem. Ego igitur Gualo, Dei gratia, Parisiorum episcopus, et Guillelmus,
l.7 archidiaconus, monachis Sancti Martini de Campis quatuor altaria, cum omnibus ad ea pertinentibus,
l.8 ob remedium animarum nostrarum, precibus quidem donni Tebaldi, ejusdem loci prioris, perpetuo
l.9 jure possidenda concedimus: unum scilicet altare in villa que ERINNIACUS nuncupatur, in
l.10 honore sancti Germani consecratum; aliud vero apud Ermenolvillam in honore sancti Dionisii dedicatum;
l.11 tercium apud DUIGNIACUM in honore sancti Dionisii fundatum; quartum in villa quo Liviriacus
l.12 vocatur, in honore sancti Justini cunsecratum. Et ne res ecclesiastica a nostra manu omnino
l.13 alienata ȩssȩ videatur, sinodos, circadas, reconciliaciones, curam animarum parrochianis, presbiteris
l.14 a nobis cummissam, in supradictis ȩcclesiis retineamus, et nullum debite subjectionis obsequium
l.15 relaxamus. Ut autem hujus concessionis assercio inviolabili firmitatis fultiatur privilegio,
l.16 presentem cartam posteris scilicet ac presentibus memoriale manibus nostris firmavimus,
l.17 manibusque cumcanonicorum nostrorum firmandam tradidimus. [croix] Signum Gualonis episcopi.
l.18 S. Berneri decani. S. Ade precentoris. S. Guillelmi archidiaconi. S. Stephani
l.19 archidiaconi. S. Rainaldi archidiaconi. S. Durandi presbiteri. S. Herberti presbiteri. S. Landonis presbiteri.
l.20 S. Anscheri levite. S. Hilduini levite. S. Johannis levite. S. Fulberti subdiachoni. S.
l.21 Tebaldi subdiachoni. S. Goifridi subdiachoni. Actum publice Parisius, in
l.22 capitulo Beate Marie, anno incarnacionis Dominicȩ MCVII, indictiones XV, epac-
l.23-ta XXV, cumcurrente I, Philipo rege regnante anno quadragesimo septimo, anno
l.24 episcopatus Gualonis IIIo. Girbertus cancellarius scripsit.
l.25 [sceau].