Adalardus Willebaldus, seigneur de Saint-Chartier, donne à l'abbaye de Déols le four de Saint-Ayoul.

l.1 OMNIBUS posthac futuris hominibus pateat quoniam Adelardus Willebaldus, princeps castelli Sancti Karterii,
l.2 divino compunctus timore, pro remedio animȩ suȩ vel parentum suorum, dedit sanctȩ Dei genitrici
l.3 Mariȩ et beatis apostolis PETRO et Paulo, cunctisque fratribus Deo famulantibus in aecclesia Dolensi, per secula tam
l.4 presentibus quam futuris, furnum Aiulfi Sancti, eo tenore ut, quicquid in casamento vel in dominio habere videbatur,
l.5 cellararius ad opus fratrum Sanctȩ Mariȩ, in vita ipsius Adelardi, a Nativitate Domini usque in Adnuntiacione
l.6 sanctȩ Mariȩ suscipiat, et ea die refectionem fratribus Dolensibus, tam de pane et vino quam de rebus omnibus, paret,
l.7 et post mortem ejusdem Adelardi, idem cellararius Sanctȩ Mariȩ totum furnum integre suscipiat, absque ullo
l.8 retinaculo, et victum de omnibus, ut prediximus, in Annuntiacione sanctȩ Mariȩ monachis annuatim prebeat.
l.9 Facta sunt autem ista VIII kalendas APRILIS, indictione V, anno AB INCARNATIONE DOMINI MXCVI, presidente Bitu-
l.10-ricas Aldeberto archiepiscopo, Francorum dicto rege Phylippo, annuente domno Rodulfo principe Dolensi et
l.11 juniore Rodulfo filio ejus. Si quis vero calumniator extiterit, cum Datan et Abiron se perpetuas baratri
l.12 pȩnas perpeciendum noverit, si cito non resipiscat; cui autem litem intulerit, X auri libras lege coactus
l.13 exsolvat.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 192, n° 312.

HUBERT (Eugène), Recueil historique des chartes intéressant le département de l'Indre. 1ère partie : VIe-XIe siècle, in Revue archéologique, historique et scientifique du Berry, t. 5 (1899), p. 81-272, p. 247-248, n° 62.