Paris, AN, K 18 n° 6
Numéro2073
Fiabilité de l'actenon suspecté
Genrediplôme
Date1030(fiabilité :texte)
LieuEtampes(lat :Stampis palatio publice)
DiocèseParis
RégionIle-de-France
Supportparchemin
Chirographienon
Sceau sceau plaqué
Etat de la traditionoriginal
Hauteur à gauche555 mm
Hauteur à droite566 mm
Largeur en haut423 mm
Largeur en bas420 mm
AuteurRobert II, roi de FRANCE
BénéficiaireAbbaye de SAINT-GERMAIN-DES-PRES de PARIS
Regeste
Texte
l.2 Cum in exhibitione rerum temporalium, quas humana religio divino cultu famulando locis sanctorum et congregationibus fidelium ex devotione animi largitur,
l.3 tam presentis quam perpetuȩ vitȩ solatium, ut jampridem multis expertum est indiciis, adquiratur, saluberrimus valde et omnibus imitabilis est hic fructus [primitivȩ]
l.4 virtutis, scilicet karitatis, per quem et mundi adquiritur tranquillitas, et felici remuneratione ȩterna succedit felicitas. Innotescimus ergo industriȩ presentium
l.5 et sollertiȩ futurorum sanctae matris ȩcclesiae fidelium et nostrorum, quod accesserit ad serenitatem nostri animi Adraldus, abbas monasterii
l.6 Sancti Vincentii et Sancti Germani, in suburbio Parisiacȩ urbis siti, suppliciter rogans et obnixe postulans, quatinus de vicaria quadam in Antoniaco villa,
l.7 et in omnibus villulis ad eam pertinentibus, rapaciter et injuriose a quodam milite nostro Vuarino nomine usurpata, super antiquas consuetudines, quas de nobis in beneficio habebat,
l.8 sibi pacem facerem, quoniam multas molestias inde locus ipse patiebatur. Cujus petitionibus benigne condescendendo annuens, suȩ proclamationis causam judicio nostrorum
l.9 deputavimus esse deliberandam et discutiendam, per consensum et consilium dilectissimȩ conjugis nostrȩ Constantiȩ. Dijudicato igitur legaliter vicariam injuste
l.10 fuisse invasam, precepimus cessare supradictum Warinum ab ȩcclesiȩ injuria, et deinde, secundum curiȩ nostrȩ sententiam et totius conventus censuram, concessimus
l.11 predicto loco Sancti Vincentii et Sancti Germani prenominatarum villarum vicariam, quicquid continetur intra sepium clausuram, vel in domibus sive in viis, sive perviis, vel quicquid,
l.12 arpennorum vocabulis ad presens denominatum, vel in futuro arpennorum lege dimensum tenebitur, relicta tantummodo eidem militi nostro agrorum vicaria, quam solummodo de nobis,
l.13 ante invasionem in beneficio habebat. Constituimus ergo nostra auctoritate ut ipsa villa Antoniacus, cum suis appenditiis, ab hujusmodi injuria in perpetuum
l.14 quieta et tranquilla permaneat, salvo jure ȩcclesiastico, ut liberius ipsi servi Dei, ad quorum victus supplementum ista pertinent, pro salute nostra et prolis, et totius regni
l.15 stabilitate invigilent, et nobis, pro impensa illis tranquillitate, merces apud Deum maneat. Ut vero hujus cessionis firmitas per succedentia tempora maneat inviolabilis
l.16 et inconvulsa, precepti nostri auctoritate firmavimus, et sigilli nostri impressione signari precepimus.
l.17 Actum Stampis palatio publice, anno incarnati Verbi millesimo XXXmo et regni Rotberti gloriosissimi regis XXXmoVIIIImo.
l.18 Balduinus cancellarius scripsit et subscripsit.
l.19 Signum Rotberti [monogramme] gloriosissimi regis [sceau].
Bibliographie
TARDIF (Jules), Monuments historiques - Paris, 1866, (Archives de l'Empire. Inventaires et documents), p. 164-166, n° 261.
PFISTER (Christian), Etudes sur le règne de Robert le Pieux (996-1031), Paris, 1885, n° 91.
POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 80-82, n° 51.
NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 104-105, n° 84.
Responsable
M. Courtois
Comment citer cette notice
Acte n°2073 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2073»[En ligne] http://www.cn-telma.fr/originaux/charte2073/. Date de mise à jour : 29/03/12.