Robert [Ier], roi des Francs, confirme à l'abbaye de Saint-Maur-des-Fossés la possession de divers biens situés près du château de Corbeil, qui lui avaient été donnés par le comte Bouchard.

l.1 [chrisme] IN NOMINE SANCTAE ET INDIVIDUAE TRINITATIS. ROTBERTUS DIVINA PROPICIANTE CLEMENTIA FRANCHORUM REX. SI ERGA LOCA CULTIBUS MAN-
l.2-cipata divinis, propter amorem Dei eorumque in eisdem locis famulantium, beneficia oportuna largimur, premia nobis apud Dominum aeternȩ remunerationis rependi non diffidimus. Idcirco noverit sagacitas seu industria omnium
l.3 nostrorum fidelium tam presentium quam et futurorum quia Odo abbas Fossatensis monasterii suique monachi nostram adierunt serenitatem detuleruntque nostris aspectibus quandam cartam quam venerabilis comes nomine Burcardus, per deprecationem
l.4 Badonis sui prepositi, de beneficio quod de illo tenebat fecerat cuidam suo filio nomine Alranno ac duobus heredibus ejus post ipsum, tali tenore ut, quandiu ipsi viverent, monasterio Fossatensi quod constructum in honore almȩ Virginis MARIȨ
l.5 necnon beatorum apostolorum Petri et Pauli, ubi reconditum decenter habetur corpus sancti MAURI, discipuli patris Benedicti, missa sancti Petri, kalendis augusti, sex solidos denariorum in censu redderent, illisque ab hac luce decedentibus, terra
l.6 predictum frueretur monasterium. Sed predictus Alrannus qui de carta primus, heres extiterat cujusque nomen in ipsa descriptum erat monasterium adiit, abbatique ac monachis cartam reddens, super altare beatȩ MARIȨ semper virginis
l.7 beatorumque apostolorum Petri Paulique posuit, de terra eadem precii tantum accipiens quantum inter illum monachosque conventio fuit. Ob id videlicet supradictus abbas monachique prefati coenobii nostram imploraverunt clementiam quatinus
l.8 res quȩ videbantur esse in carta descriptȩ ut idem locus imperpetuum potiretur, pro animȩ meȩ redemptione ac pro animarum genitoris scilicet nostri Hugonis honore regio precluentis ac genitricis nomine Adelaidis absolutione, auctoritatis
l.9 nostrȩ precepto concedere et corroborare dignaremur. Quorum petitionibus servorum Dei annuentes, munificentie nostrȩ precepto confirmamus, per quod precipientes autorizamus ut, ab hodierna die et deinceps, predictus abbas illique mona-
l.10-chi qui in supradicto monasterio jugiter Deo militaverint, illas res quȩ in carta cernuntur insitȩ perpetim habeant ac nostro regali robore subnixas possideant. Sunt autem hȩ res non magnȩ, sed admodum parvȩ, in pago Parisiaco
l.11 sitȩ non longe a castello Corboili, sed sunt in circuitu ejusdem castri, hoc est in villa quȩ vocatur Licias unum maxnilum cum silva et terra arabili, unum farinarium prope jamdictum castellum, quod vocatur Tolvia, cum dimidio
l.12 arpenno terrȩ ad edificandum, si fuerit opus; in ipso loco, de terra Sancti Stephani, dimidium arpennum vineȩ, dimidium arpennum ad ortum faciendum, contra Sancti Exuperii castellum in Vinion de duobus arpennis vinearum totam
l.13 consuetudinem; in Veteri Corboilo, de terra Sancti Germani quȩ dicitur Pradels, mansum unum et dimidium; in Ateias, duos arpennos vinearum; in Seisiaco, quartarium unum terrȩ Sancti MARTINI cum domo et torculari;
l.14 in Sintreio, censum de duobus arpenis vinearum, hoc est XVIII denarios. Preterea, autorizantes precipimus ut nullus rex, nullus episcopus, nullus comes sive quelibet potestas illas res jam superius nominatas disponere aut in sua potesta-
l.15-te quicquam horum decernere vel delegare presumat, sed perpetua soliditate in supradictorum fratrum potestate permaneant disponendi seu faciendi ex his quicquid elegerint et, ut hujus nostrae preceptionis aedictum
l.16 atque roborationis preceptum per cuncta aevi tempora inviolabilem obtineat firmitatis vigorem, manu propria subter firmavimus et sigilli nostri inpressione insigniri jussimus.
l.17 [chrisme] SIGNUM ROTBERTI [monogramme] REGIS GLORIOSI.
l.18 Actum Calȩ coenobio, III idus mai, indictione XI, anno incarnati Verbi millesimo XXVIIII, regnante Rodberto [sceau] rege XLI. Hoc preceptum jussu regis sigillavit Balduinus suus
l.19 cancellarius.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 162-163, n° 259.

PFISTER (Christian), Etudes sur le règne de Robert le Pieux (996-1031), Paris, 1885, n° 85.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 92-93, n° 73.

BOUSSARD (Jacques), µActes royaux et pontificaux des X° et XI° siècles du chartrier de Saint-Maur-des-Fossés, in Journal des Savantsµ, 1972, p. 81-109, p. 103-109.