Renaud, évêque de Paris, confirme la donation d'une prébende dans l'église de Paris faite par son prédécesseur Enée à l'abbaye de Saint-Maur-des-Fossés.

l.1 [chrisme] In nomine sanctȩ et individuȩ Trinitatis. Noverint universi tam presentes quam posteri quod ego Rainaldus, Dei gratia Parisiorum episcopus, assensu omnium archidiaconorum ceterorumque clericorum
l.2 nostrorum, prebendam quam Fossatensis ȩcclesia integerrime ab antecessore nostro beatȩ memoriȩ Aenea in sede nostri episcopatus, sibi dudum traditam, possidebat, Deo cooperante, prȩfatȩ monachis ȩcclesiae
l.3 annuerim, ita quidem ut quotienscunque praefatȩ abbas ȩcclesiȩ, qui nunc preest, Hildebertus, aut ejus successores, vicarium pro se in ȩcclesia Beatȩ Mariȩ serviturum posuerint, nullam a nobis
l.4 alium eligendi licentiam requirant, sed potestatem habeant et licentiam dandi eam cui clericorum voluerint, assensu tamen sui capituli. Instituimus denique et prorsus jubemus,
l.5 ut idem clericus in Fossatensi eam capitulo requirat, et de manu abbatis illam recipiat; ea autem suscepta, ab uno fratrum Fossatensium, cui ab abbate jussum fuerit, ad capitulum Beatae
l.6 Mariȩ die alia adducatur, atque decano tantum fratrumque communi conventui praesentetur, qui mox ab ipso decano introducatur, et ab aliis, velut unus nostrum, in conventu
l.7 devote suscipiatur. Susceptur autem, nil muneris nilque praemii in recompensatione tantȩ gratiȩ ab eo exigatur, neque fratrum pastus qui communiter ab omnibus datur.
l.8 Decernimus itaque ut clericus, de quo agimus, bis per annum ad Fossatense cȩnobium veniat, ad festum scilicet apostolorum Petri et Pauli, IIIo kalendas julii, et ad transitum
l.9 beati Mauri, XVIIIo kalendas februarii. Qui, si dissimulata incommoditate aliqua, non venerit, et tardus neglegensque, nisi abbatis licentia, remanserit, ab eo vel
l.10 ab ejus monitus nuncio, ad Fossatensem accedat abbatiam, et lege emendet hanc neglegentiam. Si autem, aliqua vi aut temeritate fisus, emendare nolu-
l.11-erit, tunc abbas utatur illo judicio, quo ego ipse uterer super Beatȩ Mariȩ canonico, hoc siquidem agi diffinimus nostro consilio. Igitur, cum ab hac instabili luce
l.12 isdem vicarius Fossatensium migraverit, fratres et canonici ȩcclesiȩ Beatȩ Mariȩ sepulturȩ eum tradant, ita tamen si in nostro vitam habitu finierit. Dignum
l.13 est etenim, ut, quorum consortium vivendo adipiscitur, eorum officio et moriendo terrȩ commendetur. Processionem denique illam, quam annuatim jamdictus
l.14 predecessor noster in quadragesima agi disposuit, IIIIta scilicet feria post dominicam quȩ Christi praetitulatur Passioni, in monimentum illius processionis quam Christi
l.15 dilecto confessori Mauro exhibuit, die qua primum receptus est a Fossatensibus, sicut in quodam suo invenimus scripto, et nos similiter nostris sequacibus
l.16 indicimus ut, cujus semel in anno membre revisimus, ejus praecibus et meritis assidue muniamur. Quicunque ergo nostrorum ad eam venerint processionem, nullam
l.17 ibi sumant refectionem, sed sola karitate quȩ multitudinem peccatorum [operit] illuc benigne abeant, atque, sibi alternatim benedictione benignius
l.18 data, ad propria jejuni redeant. Prefatȩ vero abbas [ȩcclesiȩ] suique fratres [in remune]ratione hujus doni nullum nobis [nec] nostris sequacibus reddant debitum,
l.19 neque Parisiensi ȩcclesiȩ aliquod inde unquam faciant obsequium. Quod si aliquis, ab hac die usque ad ultimum hujus seculi diem, a Fossatensi ȩcclesia vel ab ejus mona-
l.20-chis quicquam ob hoc extorquere presumpserit, ȩternȩ maledictioni et perpetuȩ dampnationi subiciatur, nisi resipuerit et ad emendationem venerit.
l.21 Ut autem hoc donum firmum et inconcussum permaneat, scripto mandavimus scriptique kartam istam propria manu firmavimus, ac manibus canonicorum nostrorum
l.22 firmandam tradidimus, et in signum firmitatis perpetuȩ nostro sigillo signari praecepimus.
l.23 [chrisme] Signum Rainaldi episcopi. S. Ylarii decani. S. Adelelmi praecentoris. S. Alberici archidiaconi. S. Lisierni archidiaconi. S. Warini archidiaconi.
l.24 S. Gisleberti sacerdotis. S. Ernaldi sacerdotis. S. Udonis sacerdotis. S. Ermenrici sacerdotis. S. Tetboldi sacerdotis. S. Ingelardi sacerdotis. S. Willelmi sacerdotis. S. Gozberti levite. S. Gonhardi levitȩ.
l.25 S. Herberti levite. S. Petri levite. S. Odonis levite. S. Gausfridi levite. S. Goscelini levite. S. Warmundi levite. S. Burcardi subdiaconi. S. Warini subdiaconi. S. Durandi subdiaconi. S. Bernar-
l.26-di subdiaconi. S. Arraudi subdiaconi. S. Lamberti accoliti. S. Ivonis accoliti. S. Fulconis accoliti.
l.27 Actum publice Parisius, in capitulo Sanctȩ Mariȩ, anno incarnationis Dominicȩ [millesimo VIo], indictione IIII, epacta [XVIII], concurrente I, regnante Rotberto
l.28 rege anno XX, nostri vero episcopatus XVI, pridie kalendarum maiarum.
l.29 Anselmus cancellarius scripsit. [sceau].
l.30 Si quis hoc scriptum violaverit, anathema sit. Amen.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 103-104, n° 75.

FAVIER (Jean), µLa fabrication d'un faux à Saint-Maur-des-Fossés vers la fin du XI° siècle, in Bibliothèque de l'Ecole des Chartesµ, 119 (1961), p. 233-241, p. 239-241, n° 2.