Renaud, évêque de Paris, concède aux chanoines de la cathédrale de Paris l'autel de Saint-Merry.

l.1 [chrisme] Inter caetera apostolorum predicamenta, quibus, auctore Deo, sancta mater Ecclesia, inter fluctus hujus
l.2 vitae mortalis periculos atque naufragia, instar solis radiorum, perseverat prefulgida, vera karitas,
l.3 et fraterna conpassio, maxime per ecclesiasticum ordinem, ut vocae et operȩ predicaetur oportet. Unde
l.4 et apostolus, necessarios alimoniae sumtus a fratribus suscipiens, istius conpassionis fonte animatus, ait:
l.5 Vos benefecistis communicantes necessitatibus meis, et in alio loco: Si conpatimur, et conregnabimus,
l.6 et iterum: Alter alterius honera portate, et sic adinplebitis legem Christi. His atque aliis sanctorum
l.7 patrum eruditionibus fretus, in nomine sanctae et individuȩ Trinitatis, Rainoldus, non meis
l.8 exigentibus meritis, sed gratia prȩveniente Redemptoris, Parisiacensis episcopus, notum fieri volo
l.9 omnibus coepiscopis nostris, presbiteris, diaconibus, seu cunctis utriusque ordinis, clericorum
l.10 scilicet ac monachorum, tam presentibus quam et futuris, per ventura tempora subcedentibus,
l.11 qualiter canonici Sanctae Mariae Parisiacae sedis nostram serenitatem adierunt, humiliter
l.12 deprecantes, ut, ob amore Dei omnipotentis, et sanctae Mariae ejus genetricis, atque sancti Petri
l.13 apostoli et sancti Mederici confessoris, et ut memoria nostra ac successorum nostrorum in eorum
l.14 loco perpetualiter habeatur, quoddam altare in honore sancti Petri et sancti Mederici, dedicatum,
l.15 in suburbio Parisius, eis in perpetuum possidendum concederemus; quod ita et fecimus, archidia-
l.16-cono nostro Elisiardo, ex cujus ministerio est, assensum prebente; eo videlicet ordine
l.17 ut, quamdiu Herbertus, noster canonicus, advixerit, prefatum altare teneat; post discessum
l.18 vero ejus, canonicis Sanctae Mariae perpetualiter concedo, absque alicujus contradictione, vel
l.19 donacione seu vendictione; et ut nunquam amplius nobis, seu posterioribus nostris, aliquid
l.20 debitum vel servicium persolvent, nisi tantum eulogias; sed absque ulla inquietudine
l.21 alicujus episcopi seu archidiaconi, ab odierna die et deinceps supradicti
l.22 canonici Sanctae Mariae prefatum altare cum ecclesia, et quicquid ad eum pertinere videtur,
l.23 secure teneant atque possideant. Et ut hec descripcio majorem per tempora obtineat
l.24 vigorem, coram nostris fidelibus et sancta sinodo, manu propria eam subter firmavimus, manibusque
l.25 archidiaconorum nostrorum ceterorumque clericorum corroborandam tradidimus. Si quis
l.26 autem, quod futurum non credo, post mortem nostram, aut episcopus, nostro loco succedens, seu archi-
l.27-diaconus, vel aliqua persona, contra hoc scriptum surgens, infringere conaverit, sciat
l.28 se, ex auctoritate Patris et Filii et Spiritus Sancti et sanctorum Patrum, necnon et ex ministerio nostro,
l.29 excommunicatum, sitque ei pars cum Dathan et Abiron in inferno exteriori, ibique claudatur
l.30 picaeo caverno, nisi resipuerit, et ad emendationem seu satisfactionem, ante altare
l.31 sanctae Mariae, cujus dominio traditum est, penitendo confugerit.
l.32 [chrisme] Rainoldi, Parisiorum episcopi [subscripsit].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 161, n° 256.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 101-102, n° 74.