Charles le Chauve, roi des Francs, donne à l'église de Paris l'abbaye de Saint-Éloi.

l.1 [chrisme] [Amen, amen.] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. SI ECLESIASTICIS NEGOTIIS CONSULENDO EORUM STATUM AD EMELIORATIONEM OB CHRISTI AMOREM DEDUCIMUS, AB IPSO NON DUBITAMUS ACCIPERE RETRIBUTIONEM PRO CUJUS HAEC PERAGINUS HONORE.
l.2 Noverit itaque omnium sanctae Dei eclesiae fidelium atque nostro[rum pr]aesens et subsequutura sagacitas [quoniam] Angeluuinus, venerabilis et sanctae eclesiae Parisiacensis antistes, ad nostrae humiliter accedens sublimitatis mansuetudinem deprecatus
l.3 est ut ob nostrae mercedis conjugisque reg[inȩ nostrȩ Richeldis ac vir]ginis intemeratae genitricis [Dei] Mariae emolumentum abbatiam Sancti Elig[ii in potestate] sibi creditae eclesiae sitam eique jure beneficiario nostra munificentia concessam, jamdictae eclesiae
l.4 genitricis Dei Sanctae Mariae sibique et post se Dei nutu futuris pastori[bus in potestatem] ad jus eclesiasticum habendum concederemus et concedendo inpraevaricabili nostrae auctoritatis praecepto confirmaremus. Cujus petitionibus eo cessimus libentius quo nostrae utilitati profuturum
l.5 perspeximus amplius, et ob domini nostri Jhesu Christi suaeque virg[inis Mariȩ am]orem atque ob utrarumque eclesiarum olim a pag[anis] devastatarum invicem emeliorationem et utilis[sime] nobis in salutem populi christiani a genitrice virgine prolis attributionem, hoc nostrae p[rivile]gitatis praeceptum
l.6 fieri et illi dari jussimus; per quod supradictam abbatiam c[um omni su]arum integritate rerum jamdictae eclesiae pr[ae]senti futurisque pastoribus delegendo perpetualiter ad habendum concedimus et concedendo inviolabiliter manere decernimus, atque de nostro jure in jus ac dominationem
l.7 dominae meae genitricis Dei mei Mariae solemni more transferimus, taliter ut quicquid exinde statutus a Deo praesul secund[um] Dei suamque voluntatem facere voluerit quemadmodum ex aliis sibi creditis eclesiasticis rebus canonico in faciendo potiatur arbitrio,
l.8 eo siquidem pacto ut diem depositionis patris nostri praecellentissi[mi im]peratoris Hludovuici, quod est duodecimo kalendas [maii], et matris nostrae gloriosissimae imperatricis Judith, quod est tertio decimo kalendas aprilis, diem quoque nativitatis nostrae idus junii, necnon et diem
l.9 a Deo concessae nobis unctionis qui post obitum [in diem] ipsum in celebrando transfundetur, na[tivita]tem praeterea amabillimae conjugis nostrae Richildis reginae kalendis augusti et copulam secundum D[ei] voluntatem nostrae conjunctionis, insuper et ortum prolis nostrae,
l.10 si a fecunda virgine impetrando data fuerit, sub continua oration[um] missarumque assiduitate cum omni clero sibi commisso praesens futurusque antistes celebret et refectio in utraque congregatione in die ortus prolis nostrae, si, ut diximus, a genitrice Dei data fuerit
l.11 studiosissime peragatur, de cetero vero pro hac [utriusque] ecclesiae majorata emendatione omnis [praesul pro] nobis, conjuge et prole regnique statu Dei misericordiam exorare indesinenter accedat. Ut autem hujus nostrae piissimae largitionis
l.12 auctoritas potiorem in Dei nomine obtineat firmitatis vigorem, de bulla nostra insigniri jussimus et manu propria eam subter firmavimus.
l.13 SIGNUM [monogramme] KAROLO GLORIOSISSIMO REGIS. [croix] LEGIMUS.
l.14 ADALGARIUS NOTARIUS AD VICEM GOZLENI RECOGNOVIT.
l.15 Data IIII idus maii, indictione IIII, a[nno VI r]egnante Karolo gloriosissimo rege. Actum Silvagio palatio. In Dei nomine, feliciter. Amen, AMHN.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 635, n° 240.

GUERARD (Benjamin), Cartulaire de Notre-Dame de Paris, 4 vol., Paris, 1850, t. 1, p. 248.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 98-99, n° 152.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 66-68, n° 49.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 312-315, n° 364.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 10 (fac-similé).