Charles le Chauve, roi des Francs, prend l'abbaye de Saint-Maur-des-Fossés sous sa protection et confirme l'immunité accordée par ses prédécesseurs.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. SI IGITUR CONGRUIS ET OPORTUNIS PETITIONIBUS SERVORUM DEI QUAS PRO SUIS NECESSITATIBUS NOBIS INDIXERINT AUREM CELSITUDINIS NOSTRAE LIBENTER EXERCEMUS,
l.2 [in hoc divinam misericordiam] super nos provocare nullatenus ambigimus regnique nostri stabilitatem multo magis accrescere. Idcirco notum sit omnibus fidelibus sanctae Dei ecclesiae et nostris, presentibus scilicet et futuris, quia monachi ex monasterio qui dicitur Fossatus, constructum in honore beatorum apostolorum
l.3 [Petri et Pauli] vel sanctae Mariae semper virginis, situm super fluvium Materne, ubi Ingelbertus abbas preesse videtur, obtulerunt obtutibus nostris auctoritatem roboratam domni et genitoris nostri Hludovuici piissimi augusti, qua continebatur qualiter ipsum monasterium, Bego penitus destructum restaurasset et ad
l.4 pristinum statum revocare curasset et sub norma religionis locare, et veniens in presencia ipsius domni et genitoris nostri eidem commendasset, eundem monasterium unacum monachis ibidem Deo famulantibus, obsecrans ut sub sua tuitione et defensione eundem monasterium sicut et reliqua monasteria per cunctum imperium suum degentia
l.5 [recipisset] cum omnibus rebus ad predictum monasterium pertinentibus, quod libenter annuisse ibidem invenimus. Quapropter petierunt celsitudinem nostram ut nos demum auctoritatem domni et genitoris nostri per nostram auctoritatem conservare dignaremur, atque eos sub nostra defensione recipere quemadmodum domnus et genitor noster fecerat. Quorum petitionem
l.6 denegare noluimus, sed eorum preces libenter annuimus. Proinde ergo volumus ut predictus abbas et monachi in sepedicto monasterio degentes cum omnibus rebus quasque ad ipsum monasterium pertinere videntur vel deinceps juste adquirere putuerint sub nostra defensione et inmunitatis tuitione persistant, praecipientes atque jubentes decernimus ut nullus
l.7 judex publicus vel quislibet judiciariam exercens potestatem in ecclesias aut loca vel agros seu reliquas possessiones predicti monasterii, quas moderno tempore juste et rationabiliter possidere videtur in quibuslibet pagis et territoriis, quicquid ibidem propter divinum amorem conlatum fuit, quȩque etiam deinceps in jure ipsius sancti loci divina pietas voluerit augere, ad causas audiendas, vel freda exigenda,
l.8 aut mansiones aut paratas faciendas, aut fidejussores tollendos, aut homines ipsius monasterii tam ingenuos quam et servos super terram ipsius commanentes, distringendos, nec ullas redibitiones aut inlicitas occasiones requirendas, ullo unquam tempore ingredi audeat, vel ea que supramemorata sunt penitus exigere presumat; et quicquid de rebus prefati monasterii fiscus noster exigere poterat, totum nos
l.9 pro remedio anime domni et genitoris nostri vel etiam pro heterna remuneratione predicto monasterio concedimus ut perennis temporibus in alimoniis pauperum et stipendiis monacorum ibidem Deo famulancium proficiat in augmentum; et quandoquidem divina vocatione supradictus abbas vel successores ejus de ac luce migraverint, quamdiu ipsi monachi inter se tales
l.10 invenire potuerint qui ipsam congregationem secundum regulam sancti Benedicti regere valeant, per hanc nostram auctoritatem et concessum licenciam habeant heligendi abbates, quatinus ipsos servos Dei, qui ibidem Deo famulantur, pro nobis et stabilitate regni nostri et salute populi nostri jugiter Domini misericordiam
l.11 exhorare delectet. Et ut hec auctoritas nostris futurisque temporibus, Domino protegente, valeat inconvulsa manere, manu propria subter firmavimus, et anuli nostri inpressione sigillari jussimus.
l.12 SIGNUM [monogramme] KAROLI GLORIOSISSIMI REGIS.
l.13 [chrisme] JONAS NOTARIUS AD VICEM HLUDOVUICI RECOGNOVI ET SUBSCRIPSI [ruche_notes_tironiennes] [Jonas notarius ad vicem Ludovici recognovi et subscripsi] [sceau].
l.14 Data kalendis septembris, anno secundo regnante gloriosissimo rege Karolo, indictione IIIIa. Actum Corbanaco palatio regio. In Dei nomine, feliciter.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 430, n° 5.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 93, n° 136.

JUSSELIN (Maurice), Liste chronologique et lecture des mentions en notes tironiennes dans les diplômes de Charles le Chauve, in Le Moyen-Age, t. 39(1929), p. 215-232, p. 218.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 12-15, n° 4.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 2 (fac-similé).