Louis le Pieux, empereur, accorde à l'abbaye de Saint-Maur-des-Fossés l'exemption de tous droits de péage et de circulation.

l.1 [chrisme] IN NOMINE DOMINI DEI ET SALVATORIS NOSTRI JHESU CHRISTI, HLUDOVUICUS, DIVINA ORDINANTE PROVIDENTIA IMPERATOR AUGUSTUS. OMNIBUS EPISCOPIS, ABBATIBUS, DUCIBUS, COMITIBUS, VICARIIS, CENTENARIIS, TELONARIIS, ACTIONARIIS VEL OMNIBUS REM PUBLICAM ADMINISTRANTIBUS
l.2 seu ceteris fidelibus sanctae Dei ecclesiae et nostris tam praesentibus quam et futuris, notum sit quia ad petitionem Begoni, inlustri comitis, monasterium quod est situm in pago Parisiaco, in loco qui dicitur Fossatus, constructum in honore beatorum apostolorum Petri et Pauli vel sanctae Mariae
l.3 semper virginis, super fluvium Maternam, unacum ejus abbate, nomine Benedicto, et fratribus ibidem degentibus, unacum rebus et hominibus eidem monasterio juste subjectis sub nostro suscepimus mundeburdo atque defensione, et depraecatus est ut quandocumque libuisset monachos in
l.4 eodem monasterio degentes, missos suos in aliquam partem imperii nostri negociandi gratia dirigere cum carris videlicet et saumis, seu navigio, vel cum quolibet negotio, licentiam haberent pergendi ubi voluerint absque alicujus infestationem vel contrarietate. Cujus petitioni
l.5 in elemosina nostra libenter aurem accommodare placuit et has nostrae auctoritatis litteras fieri jussimus per quas cunctis fidelibus nostris praesentibus et futuris jubemus ut ubicumque missi praedicti abbatis aut successorum ejus infra dicionem imperii nostri negotiandi causa directi
l.6 fuerint, nemo teloneum, neque quod vulgo dicitur ripaticum, neque rotaticum, aut pontaticum, vel portaticum, aut travaticum, atque cispitaticum, necnon et salutaticum, aut ullum censum, vel ullum occursum, aut ullam redibitionem ab ipsis accipere aut ex-
l.7-actare praesumat, sed liceat tam eos quam homines vel omnia illorum cum pace discurrere et negotia sua libenter peragere et ad quascumque civitates aut portus vel loca accessum habuerint, nullam inquietudinem aut detentionem aut con-
l.8-trarietatem ab aliquo fidelium nostrorum patiantur, sed ubicumque directi fuerint, sive navigio aut terreno, securi et quieti cum omnibus quae deferunt, per praesentem nostram auctoritatem ire et redire valeant. Et ut haec aucto-
l.9-ritas firmior habeatur et a fidelibus sanctae Dei ecclesiae et nostris diligentius conservetur, de anulo nostro subter jussimus sigillari.
l.10 [chrisme] DURANDUS DIACONUS AD VICEM HELISACHAR RECOGNOVI ET [ruche_notes_tironiennes]. [sceau].
l.11 [chrisme] Data XII kalendas julii, anno Christo propitio tertio imperii domni Hludovuici piissimi augusti, indictione VIIII. Actum Aquisgrani palatio regio. In Dei nomine, feliciter. Amen.

ligne 7 : "cum" en addition interlinéaire.

DUBOIS (Le Père), Histoire de l'Eglise de Paris, Paris, 1690, t. 1 (1690), p. 324.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 6, p. 492.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 79, n° 109.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 7 (fac-similé).