Lettre d'Henri V, roi, à Pons, abbé de Cluny, lui demandant le secours de ses prières et lui proposant une entrevue à Lausanne, le 23 août, pour qu'il le conseille dans sa querelle qui l'oppose au pape (Pascal II), avant son voyage à Rome.

l.1 H[enricus], Dei gratia Romanorum rex, P[oncio] patri venerando, et sanctȩ congregationi domus Dei Cluniacensis, fraternȩ
l.2 dilectionis amplexus, et divinȩ miliciȩ quam exercent ȩternum comprehendere bravium feliciter triumphando. Relatu
l.3 multorum frequenter audivimus, quia noster avus, et pater, imperatores beatȩ memoriȩ, sanctitatem hujus loci plurimum suis temporibus
l.4 dilexerunt, et in magna veneratione habuerunt, quoniam orationum auxilio sanctorum virorum qui hic Deo militaverunt, se consequturos
l.5 ȩternam salutem indubitanter crediderunt. Eorum enim fraternitatem, spem salutis veraciter promittentem, habuerunt, et hujus loci bona ubi-
l.6-cumque sita fuere in eorum regno, tam Theuthonico quam Italico, dilectionis studio custodiverunt atque defenderunt. Quos nos
l.7 in hoc profecto corde et opere desideramus imitari, commendantes eos vobis, rogando plurimum ut eorum memoriam
l.8 in vestris orationibus apud Deum incessanter faciatis. Nos autem vestrȩ sanctitatis fraternitatem, et vestrarum orationum auxilium et conso-
l.9-lationem habere dignum ducimus, et humili devotione postulamus ; fiduciam habentes in Domino quod miliciȩ vestrȩ me-
l.10-rita obtinebunt apud Deum nobis salutem corporis et animȩ, regnique nostri pacem ac stabilitatem quam in Christo exopta-
l.11-mus. Bona quidem vestra ubicumque fuerint in nostra potestate, tam citra montes, quam ultra nominatim locum sancti
l.12 Benedicti, unde nos rogavistis, diligenter servabimus ; et si forte aliquid adversi in eis acciderit, libenter emendare curabi-
l.13-mus. Orate rogamus, pro unitate regni ac sacerdocii, quam diligimus et querimus ; et ut dominus papa cesset contraire nobis de
l.14 nostra justicia. Voluntas vero nostra esset, si tibi placeret, ut conveniremus, et tu nostram caperes noticiam, et nos tuam, et inde posset
l.15 oriri magnum bonum, tum quia noster consanguineus es, tum quia tuum vellemus habere consilium antequam Romam transiremus. Quod
l.16 Lausamnȩ posset fieri, si illuc nobis obviam venires octavo die post Assumptionem sanctȩ Mariȩ, quia tunc ibi erimus.

1