Henri IV, empereur, restitute Gondershausen à l'abbaye Saint-Maximin de Trèves avec interdiction de toute aliénation.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS.
l.2 Notum sit omnibus Christi nostrique fidelibus tam futuris quam praesentibus, qualiter nos pro remedio animae nostrae parentumque nostrorum CHUONRADI avi nostri,
l.3 HEINRICI patris nostri imperatorum, GISILE avae nostrae, AGNETIS matris nostrae imperatricum quoddam praedium nomine GUNTERESHUSEN situm in pago
l.4 DRECHERE in comitatu BERN cum omnibus appenditiis, hoc est utriusque sexus mancipiis, aecclesiis, appenditiis et aliis, areis, villis in quocumque comitatu jacentibus
l.5 aedificiis, terris cultis et incultis, viis et inviis, silvis, venationibus, aquis aquarumque decursibus, molis, molendinis, piscationibus, exitibus et reditibus quaesitis et inquirendis ac
l.6 cum omni utilitate, quae vel scribi vel nominari poterit, sancto MAXIMINO ad abbatiam quae vocatur Sancti MAXIMINI, cui injuste ablatum est et injuste a [quodam]
l.7 LUITOLDO pro beneficio possessum, reddidimus firmavimus et in ȩternum sancto MAXIMINO stabilivimus, ea videlicet ratione ut HEINRICUS ejusdem abba-
l.8-tiae abbas suique successores idem praedictum praedium ad usus fratrum ibidem Deo sanctoque MAXIMINO servientium possideant et nulli umquam ullo modo dare vel
l.9 prestare vel vendere praesumant, ut fratres idem inde consolati pro nostra vita temporali et ȩterna et animabus parentum nostrorum et pro omnibus fidelibus vivis et
l.10 defunctis, sicut promiserunt, Deo supplicare non cessent devoti. Cujus rei testem cartam hanc scribi et nostra manu, ut infra videtur, corroboratam sigilli nostri im-
l.11-pressione jussimus insigniri.
l.12 SIGNUM DOMNI HEINRICI TERCII ROMANORUM IMPERATORIS AUGUSTI [monogramme] (MPR) [sceau].
l.13 GEBEHARDUS EPISCOPUS ET CANCELLARIUS VICE UVEZELONIS ARCHIEPISCOPI ET ARCHICANCELLARII RECOGNOVI.
l.14 Data IIII NONAS OCTOBRI indictione VII, anno dominicae incarnationis millesimo LXXXIIII, anno autem domni Heinrici tercii Romanorum imperatoris augusti regni XXX, imperii Io.
l.15 Actum MOGONTIE. Feliciter in Christi nomine. AMEN.

1