Paris, BNF, lat. 9266 n° 10

<< < / > >>

Numéro1923

Fiabilité de l'actenon suspecté

Genrediplôme

Date1065(fiabilité :édition)

LieuTrèves(lat :Treveris)

DiocèseTrèves

RégionRhénanie-Palatinat

Supportparchemin

Chirographienon

Sceau sceau plaqué

Etat de la traditionoriginal

Hauteur à gauche660   mm

Hauteur à droite635   mm

Largeur en haut475   mm

Largeur en bas480   mm

AuteurHenri IV, roi d'ALLEMAGNE

BénéficiaireAbbaye  de  SAINT-MAXIMIN  de  TREVES

Regeste

Henri IV, roi, confirme à l'abbaye Saint-Maximin de Trèves les privilèges de ses prédécesseurs, accorde la protection royale, le libre choix de l'abbé et de l'avoué et l'exemption des plaids, péages et amendes.

Fac-similé

Texte

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DIVINA FAVENTE CLEMENTIA REX.
l.2 Quoniam regalis antecessorum nostrorum providentia et sollicitudo in construendis constructisve stabiliendis Dei aeclesiis pie jugiter invigilavit, idcirco benignissima Christi miseratione, in cujus
l.3 manu regum corda vel jura consistunt, regni illorum diuturnitas pacificata viguit et effloruit. Unde nos pie salubriterque de nostri regni statu tractantes devotamque illorum sollicitudinem imitari cupientes
l.4 privilegia antecessorum regum sive imperatorum coenobio Sancti Maximini, qui in suburbio Trevirorum requiescit, concessa vel adtributa ob interventum dilectissimi nobis ADALBERTI HAMMABURIENSIS
l.5 archiepiscopi necnon et ANNONIS Coloniensis archiepiscopi et EBERHARDI TREVIRORUM archiepiscopi, ELLENHARDI quoque Frisingensis episcopi et Theoderici Virdunensis episcopi aliorumque fidelium nostrorum, scilicet Gerhardi ducis
l.6 et Godefridi ducis et Ottonis marchionis nostra etiam auctoritate roborare decrevimus, ut et antecessorum nostrorum benivola pietas non a nobis neglecta debilitetur et monachorum inibi Deo servientium
l.7 tranquillitas ab aliqua subintroducenda persona non inquietetur, ea siquidem ratione ut idem coenobium ubi prenotatus sanctus pontifex requiescit, cui venerandus abbas Theodericus nunc preesse videtur, sicut
l.8 sub antecessorum nostrorum sic sub nostro quoque jure mundiburdio et defensione consistat nec alicui sedi aut aeclesiae excepto nostrȩ regali potestati successorumque nostrorum famulum aut appendex vel
l.9 beneficiarium subjaceat. Concedimus etiam eis liberum arbitrium inter se eligendi abbatem tali honore dignum et ad id officium idoneum, ut eo securius divinum ab illis impleatur ministerium
l.10 summȩque propensius majestatis pro nobis implorent auxilium. Insuper etiam concedimus, ut idem abbas sibique commissa congregatio eorumque successores potestatem habeant advocatias monasterii sui cui velint
l.11 dandi cuique velint tollendi, et ut nulla cujuslibet judiciariȩ dignitatis persona in curtibus eorum placitum habere presumat, theloneum a navibus eorum nullus exigat, familiaque eorum bannum et fredas nulli nisi
l.12 abbati persolvat nulliusque nisi abbatis vel ab eo constitutorum placitum attendat, et in singulis civitatibus, regalibus vel prefectoriis liberam potestatem habeant intrandi et exeundi, vendendi et emendi,
l.13 pascendi et adaquandi, eisque opera regalia vel comitialia funditus perdonamus. Et ut hoc auctoritatis nostrȩ preceptum firmum et stabile permaneat, manu propria corroborantes sigilli nostri
l.14 impressione insigniri jussimus.
l.15 SIGNUM DOMNI HEINRICI [monogramme] QUARTI REGIS.
l.16 SIGEHARDUS CANCELLARIUS VICE [sceau] SIGEFRIDI ARCHICANCELLARII RECOGNOVI.
l.17 Data anno dominicae incarnationis MLXV, indictione III, anno autem ordinationis domni HEINRICI quarti regis XII,
l.18 regni vero VIIII. Actum TREVERIS. In Dei nomine, feliciter. AMEN.

Notes

1

Bibliographie

GLADISS (D. von), Die Urkunden Heinrichs IV., Berlin puis Hanovre, 1941- 1978 (MGH Diplomata regum et imperatorum Germaniae, 6), n° 158.

Responsable

M.-J. Gasse

Comment citer cette notice

Acte n°1923 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1923»[En ligne] http://www.cn-telma.fr/originaux/charte1923/. Date de mise à jour : 29/03/12.