Henri III, empereur, donne à l'abbaye Saint-Servais de Maastricht des biens situés à Wadenheim et Arhweiler ; en retour les moines célébreront chaque année un service anniversaire pour son père Conrad II.

l.1 [chrisme] IN NOMINE SANCTAE ET INDIVIDUAE TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS. SI LOCA DIVINIS
l.2 cultibus mancipata de nostris bonis aliquid ditare atque sublimare volumus, id regni nostri stabilitatem, nostraeque animae salutem esse in perpetuum minime dubitamus. Qua-
l.3-propter omnibus Christi nostrique fidelibus tam futuris quam et praesentibus notum esse volumus, qualiter nos pro remedio animae genitoris nostri CHUONRADI imperatoris ac nostrae
l.4 ad altare domino Jhesu Christo sanctoque SERVATIO MASETRIETH consecratum in usum fratrum ibidem Deo sanctoque praedicto die noctuque famulantium tale praedium, quale nos
l.5 in villa VUATENHEIM et VUILERE habuimus in comitatu SICGONIS comitis et in pago AREGOWE situm cum omnibus suis pertinentiis, hoc est utriusque sexus man-
l.6-cipiis, areis, aedificiis, terris cultis et incultis, agris, pratis, pascuis, campis, silvis, venationibus, aquis aquarumque decursibus, molis, molendinis, piscationibus, exitibus et reditibus, viis
l.7 et inviis, quesitis et inquirendis seu cum omni utilitate, quae ullo modo inde provenire potest, in proprium dedimus atque tradidimus, ea videlicet ratione ut singulis annis praedicti fratres
l.8 diem anniversarium kari genitoris nostri CHUONRADI imperatoris augusti cum divinis celebre[n]t officiis, et in ipso die omnes unanimiter propter eandem causam convenientes simul reficiendo
l.9 caritatem adimpleant ex praedio praefato, ut per hanc concordiam et competentis exibitionem caritatis devotiores in Dei servitium nostrique genitoris memoriam coadunentur, nullique sit potestas
l.10 quicquam aliud inde facere vel ordinare praeter hoc solum, quod nos inde statuimus et confirmavimus. Et ut haec nostrae traditionis imperialis auctoritas nunc et per futura
l.11 succedentium temporum curricula stabilis et inconvulsa permaneat, hanc cartam inde conscribi eamque manu propria, ut subtus videtur, corroborantes sigilli nostri impressione jussimus insigniri.
l.12 SIGNUM DOMNI HEINRICI TERCII REGIS INVICTISSIMI [monogramme] SECUNDI ROMANORUM IMPERATORIS AUGUSTI (MPR).
l.13 VUINITHERIUS CANCELLARIUS VICE BARDONIS ARCHICANCELLARII RECOGNOVIT [sceau].
l.14 Data XVIII kalendas julii indictione IIII, anno domincae incarnationis MLI, anno autem domni HEINRICI tercii regis, secundi imperatoris, ordinationis ejus XXIIII, regni XIII, imperii V. Actum MINDE. Feliciter. AMEN.

2