Pierre Roger, évêque de Toulouse, donne à l'abbaye de Cluny l'église de Sainte-Colombe-sur-l'Hers.

l.1 Omnium hominum racionabiliter vivencium racio postulat, hoc ȩtiam legum principumque decrevit auctoritas, ut omnis homo cujuscumque dignitatis vel con-
l.2-dicionis, qui quamlibet donacionem, vendicionem facere voluerit, non solum nudis verbis hoc agat, sed literali pagina voluntatis sue secreta insigniri faciat,
l.3 testiumque roboracione confirmari jubeat, quatenus per succedentia curricula temporum perpetuum obtineant firmamentum et contra obloquentium garruli-
l.4-tatem veritatis teneant fundamentum. Igitur summopere providendum est, quamdiu in hoc laborioso certamine ujus vanissimi seculi laboramus, studeamus agere,
l.5 si qua bona valemus, nostros facientes debitores, quos veraciter novimus et inpresentiarum corporum saluti consulere et in futuro multorum animabus
l.6 ad ȩternam adipiscendam requiem prodesse. Legum itaque sancxit auctoritas et antiqua etiam consuetudo, ut quelibet persona de rebus suis juris regum regi aut
l.7 sanctis ejus helemosinam pro remedio anime sue vel parentorum suorum dare voluerit, plenissimam ad faciendum habeat libertatem. Cuamobrem ego
l.8 Petrus Rogerii, quanquam non meis meritis, preeunte tamen divina misericordia, in dignitate pontificum positus, veniens Cluniacum vidensque hac
l.9 perpendens ipsius monasterii venerabilis Odilonis abbatis, ceterorumque fratrum inibi comorantium sanctitatem et religionem, in nomine sancte et individue
l.10 Trinitatis, ut Dominus in illo die tremendi examinis judicii nobis sit clemens, pius et misericors, tradidi domino Deo et beatȩ Mariȩ et sanctis apostolis
l.11 Petro et Paulo pro redemptione anime mȩȩ seu genitorum meorum, videlicet patris et matris, omniumque propinquorum meorum defunctorum, vivorum et futu-
l.12-rorum, quamdam Sanctȩ Columbȩ ȩcclesiam in Tolosanensi pago sitam, in territorio Chercorbensi, juxta fluvium Erz, cum omnibus ȩcclesiis sibi pertinen-
l.13-tibus, cunctisque appendiciis suis, decimis, primiciis, oblacionibus, ciminteriis, domibus, hedificiis, cum omni supraposito mobili et inmobili,
l.14 rusticis, campis, terris, vineis, pratis, silvis, aquarumque decursibus cum aquis, exitibus et regressibus, cultis et incultis, hucusque a nobis vel ab aliquo
l.15 ubicumque collatis vel in futurum conferendis, Cluniacum denique monasterium hujus facti delego atque constituo preceptorem, quatenus ab
l.16 hac die et deincebs dompnus Odilo abba, qui predicti cenobii gubernacula nunc, Deo annuente, administrat, cunctique successores ejus hunc
l.17 locum a me collatum perpetim omnibus diebus regant, ordinent atque, ut sibi melius visum fuerit, secundum Deum et regulam sancti Benedicti dis-
l.18-ponant. Si quis vero, quod futurum minime credo, vel ego ipse, quod absit, aud aliquis consanguineus meus, seu quelibet ȩcclȩsiastica secu-
l.19-larisve persona, auferre suosque in husus transferre conatus fuerit, primitus iram Dei omnipotentis incurrat, vinculo ȩtiam
l.20 terribilis anatematis innodetur, et nisi resipuerit, cum omnibus complicibus suis et qui ei in hac faccione assensum prebuerint, Jude pro-
l.21-ditori Christi perpetuo dampnandi consocientur, parsque eorum fiat cum Datan et Abiron et cum his qui dixerunt domino Deo: Recede
l.22 a nobis, omnes maledictiones que in scripturis sanctis continentur descendant super capita eorum et dispereant in ȩternum. Amen. Amen.
l.23 Signum Petri Rogerii episcopi qui hanc donationem fecit et scripto firmare rogavit. Signum Petri, presulis. Signum Marcelli, sacerdotis.
l.24 Signum Odonis, presbiteri. Signum Stephani, levite. Porro alii quam plurimi monachi, clerici, laici, extiterunt testes. Actum Cluniaco,
l.25 Heinrico regnante nobilissimo Francorum rege. Scriptumque XIIII kalendas julii per manum Petri levite.

1