Paris, BNF, lat. 9266 n° 4

<< < / > >>

Numéro1890

Fiabilité de l'actedouteux

Genrediplôme

Date11/01/1026(fiabilité :édition)

LieuTrèves(lat :Treveris)

DiocèseTrèves

RégionRhénanie-Palatinat

Supportparchemin

Chirographienon

Sceau sceau plaqué

Etat de la traditionpseudo-original

Hauteur à gauche590   mm

Largeur en haut440   mm

Largeur en bas450   mm

AuteurConrad II, roi d'ALLEMAGNE

BénéficiaireAbbaye  de  SAINT-MAXIMIN  de  TREVES

Regeste

Conrad II, roi, rappelle le précepte d'Henri II remettant en bénéfice des manses de l'abbaye Saint-Maximin de Trèves à des fidèles chargés de remplir envers lui les services dus par l'abbé, confirme les biens consacrés à l'entretien des moines, l'interdiction de les aliéner et leur administration par un avoué de leur choix.

Fac-similé

Texte

l.1 [chrisme] IN NOMINE SANCTȨ ET INDIVIDUȨ TRINITATIS, CUONRADUS, DIVINA ORDINANTE CLȨMENTIA REX. SI RATIONABILIBUS
l.2 fidelium nostrorum petitionibus, quas pro utilitatibus aecclesiarum Dei nostrȩ regali excellentiȩ suggesserint, assensum prebuerimus, id nobis ad ȩternȩ vitȩ premium promerendum sine dubio profuturum esse liquido novimus.
l.3 Unde noverit omnium fidelium nostrorum tam presentium quam futurorum industria, qualiter POPPO venerabilis abbas ex monasterio Sancti MAXIMINI, qui in suburbio Trevirorum corporaliter quiescit, quasdam pre-
l.4-ceptiones nostris optutibus obtulit, in quibus continebatur, quod predecessor noster HEINRICUS videlicet imperator excellentissimus ex prefata abbatia curtes aliquas et possessiones quam plurimas usque ad VI milia DCos
l.5 quinquaginta VI mansos, ut verius computari potuit, progrediens abstulit et quibusdam fidelibus suis ea ratione beneficiaverit, ut ipsi et heredes eorum pro eodem abbate successoribusque ejus regalem curiam peterent et in expeditionem
l.6 irent, abbas vero suique successores ab omni expeditione et a regali servitio imperiali predicti imperatoris constitutione liberi omnino existerent, relictis videlicet illis et specialiter delegatis quibusdam curtibus et villis ac
l.7 aecclesiis omnibus ubicumque in sancti MAXIMINI predio jacentibus cum cunctis salicis decimationibus, unde necessaria tantummodo suis deberent procurare fratribus, flagitans nostram regalem clementiam, ut easdem pos-
l.8-sessiones aecclesias et villas ad prebendam monachorum Deo inibi famulantium pertinentes illis peculiariter concederemus et nostris privilegiis corroborando firmaremus. Cujus petitioni propter amorem Dei et reveren-
l.9-tiam beati JOHANNIS apostoli et evangelistȩ, in cujus honore idem locus sacratissimus sub CONSTANTINO et HELENA quondam dicatus esse dinoscitur, necnon beatissimi confessoris Christi MAXIMINI et ob interventum dilectis-
l.10-simȩ conjugis nostrȩ GISILȨ videlicet reginȩ et ARIBONIS Mogontiacensis ac PILIGRIMI Coloniensis venerabilium archiepiscoporum et RAMBERDI Verdunensis episcopi ac Theoderici ducis aliorumque fidelium nostrorum
l.11 assensum prebemus, statuentes videlicet et hac nostra regali auctoritate firmiter precipientes, ut in aeclesiis, villis et possessionibus, quas ad prebendam monachorum Deo inibi servientium predictus antecessor noster
l.12 Heinricus piȩ memoriȩ imperator augustus aliique ante eum reges et imperatores DAGOBERTUS, PIPPINUS, KAROLUS HLVDEWICUS, LOTHARIUS, item KAROLUS, ARNOLFUS, ZVENDIBOLDUS
l.13 necnon tres OTTONES ad peculiaritatem fratrum, sicut in privilegiis eorum in nostra presentia lectis cernitur, nullam a quolibet judiciariȩ potestatis violentiam patiantur, sed victum inde atque habitum pro nostrȩ
l.14 animȩ absolutione aliorumque predecessorum ac successorum nostrorum remissione specialiter consequantur : hoc est in Suabheim, Evernesheim, Heisinesheim, Bricinheim, Mannendal, Narheim, Prichina cum omnibus
l.15 ad se pertinentibus, Gunthereshusun cum suis pertinentiis, quas duas curtes ad sagimen et ad femoralia necnon ad infirmorum debiliumque fratrum curam et ad susceptionem hospitum ac peregrinorum paupe-
l.16-rumque recreationem, sicut antecessores nostri constituerunt, ita et nos specialiter statuimus, decernimus atque firmamus ; similiter quod in his locis possidere videntur : Apula, Sceringesfelt, Alsontia, Furnivelt,
l.17 Holzhusun, Hukinesheim, Bukinheim, Siemera, Folemaresbah, Pruovesdervod, Weildistein, Albucha, Guozoluesheim, Bingin, Decima, Vallis cum suis pertinentiis, Rateresdorf cum suis,
l.18 Bikendorf, Meisbrath, Okisheim, Arnolfesberc, Fracturis, Rivanacha, Loavia, Windingis, Lukesingis et in civitate Metensi et circumcirca domos, vineas, agros et areolas, et in pago Sal-
l.19-lingouue Dincrich, Iuolkurt, Bisanga, item alibi Wilare, Luzelenkiricha, Tavena, Bessiaco, Druhdelinga, Murmiringis, Meroldi villa, Wimari ȩcclesia, Crufta, Sstraza, Scranna,
l.20 Marckedith et Billiche ac Kriske. Ex his ergo villis et eorum pertinentiis nullus abbas audeat alicui libero homini sivȩ alterius ȩcclesiȩ servienti aliquid beneficiare aut a prebenda fratrum quoquomodo abalienare ;
l.21 sed liceat inde illi suisque successoribus luminaria aecclesiȩ restaurare, aedificia recuperare et cȩtera quȩ necessaria tantummodo sunt fratribus fideliter procurare. Sstatuimus etiam et corroborare decrevimus, ut idem abbas suique
l.22 successores potestatem habeant advocatias suas per omnem abbatiam cui velint dandi, cui velint justo judicio tollendi, et ut advocati nullum post se ponere presumant, qui vocetur postadvocatus, nec quisquam illorum
l.23 potestatem habeat aliqua violentia sive petitione homines gravare aut placitum preter illa tria jure debita tenere vel quicquam super officiales vel mansionarios aut ministros seu omnia jura abbatis constituere.
l.24 Et ut hoc nostrȩ auctoritatis preceptum firmum et stabile permaneat, manu propria corroborantes sigilli nostri impressione jussimus insigniri.
l.25 SIGNUM DOMNI CHUONRADI REGIS INVICTISSIMI [monogramme]. ODALRICUS CANCELLARIUS AD VICEM
l.26 ARIBONIS ARCHICANCELLARII RECOGNOVI [sceau].
l.27 Data III idus januarii, indictione VIII, anno dominicȩ incarnationis millesimo XXVI, anno autem domni Chuonradi secundi regnantis IIo. Actum Treveris. [In Dei nomine. Amen].

Notes

2

Bibliographie

BRESSLAU (H.), Die Urkunden Konrads II., Hanovre-Leipzig, 1909 (MGH Diplomata regum et imperatorum Germaniae, 4), n° 48.

Responsable

M.-J. Gasse

Comment citer cette notice

Acte n°1890 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1890»[En ligne] http://www.cn-telma.fr/originaux/charte1890/. Date de mise à jour : 29/03/12.