Robert, évêque de Langres, confirme la donation du village de Montsaon à Saint-Didier de Langres, faite par plusieurs donateurs réunis autour de Gérard d'Ecot.

l.1 Ego Robertus, Dei gratia Lingonensis episcopus, notum facio presentibus et futuris quod Gerardus de Scoto cum fratre suo Joscelino et filiis suis, Gerardo
l.2 videlicet et Alberico, Jocelino et Engerberto canonico Lingonensi, concedente Teobaudo fratre eorum, Teodericus quoque de Rasennariis, ne-
l.3-pos eorum, qui totius alodii medietatem jure hereditario possidebat cum fratribus et sororibus suis, Gocelinus etiam Summe Villȩ
l.4 et Ricardus de Vercello, Berengarius quoque de Calvo Monte et Petrus de Saxonis Fonte cum Ellebaudo fratre ejus, isti omnes
l.5 prenominati dederunt Deo et beatȩ Mariȩ Molimensi, necnon et ȩcclesiȩ Sancti Desiderii Lingonensis, quicquid apud Mon-
l.6-tem Syon possidebant, in hominibus videlicet, in terris, in pratis, in nemoribus, nichil omnino sibi retinentes, preter
l.7 servos suos quos propter hospitandi gratiam sibi retinuerunt: de cetero in potestate et in justitia monacho-
l.8-rum sicut ceteri homines ejusdem villȩ subjecti erunt, reddentes consuetudines debitas et cetera quȩ ab eis exi-
l.9-gentur; et preter medietatem decimarum sibi retentarum. Concesserunt etiam predictȩ ȩcclesiȩ et laudaverunt quicquid
l.10 de casamento suo emptione vel elemosina adquirere possent. Nichilominus etiam hoc pretaxatis benefitiis adjecerunt
l.11 quod, si sine herede filii vel filiȩ ab hac vita decederent, vel alter eorum, totum ecclesiȩ sepedictȩ libere et absolute
l.12 remaneret, nec illud vendere in vita sua nec in vadium ponere liceret. Pro hujusmodi autem conventione et elemosina dedit pre-
l.13-dictis militibus pro caritate dominus Enmauricus Lingonensis ecclesiȩ decanus LXXX libras, ut nichil deinceps in hiis
l.14 reclamare possent. Actum est hoc anno ab incarnatione Domini MoCoIo, Paschali papa existente Roma-
l.15-no. Hujus rei testes sunt: Gaufridus de Calvo Monte, Emmauricus decanus, Terricus de Mandalis, Gi-
l.16-rardus capellanus, Berengarius et Teobaudus de Scotis. Qui vero hoc donum infringere vel distrahere voluerit,
l.17 anathema sit. Amen. De terra sancti Audoeni et de terra sancti Petri Cluniacensis, que est in territorio hujus villȩ preno-
l.18-minate, habent monachi Molimenses justitiam. Finagium hujus villȩ durat usque ad Summoster et usque ad Villare
l.19 Siccum et usque ad Busserias et usque ad Wandelancort per medium finagium d'Outramont, et usque ad Brecons et usque ad Ble-
l.20-convillam. Ibunt bestiȩ de Monceon per pascua libere et absolute absque dampno faciendo, et si dampnum forte fecerint, redderent du-
l.21-orum proborum hominum testimonio sine jusjurando. Hoc concessit Gaufridus et Renerus de Calvo Monte.
l.22 SIG.

1