Robert, évêque de Langres, donne à Robert, abbé de Molesmes, le prieuré Saint-Didier de Langres qui dépendait auparavant du chapitre Saint-Mammès.

l.1 In nomine sancte et individue Trinitatis, Patris et Filii et Spiritus Sancti, amen. Quoniam prisce consuetudinis approbabilis usus, ab antecessorum nostrorum indu-
l.2-stria ductus juxta Romanȩ auctoritatis exempla, ea que posterorum memorie reservanda censentur, litterali tradi custodiȩ, utilitatis et
l.3 honestatis gratia, commendat, mentis humanȩ labilem et mutabilem naturam considerantes dignum duximus ea que subinferuntur, ne oblita corruant, ne
l.4 vel quod nostris temporibus actum est quandoque aliqua mutetur fraudulentia, in hujus carthe sinu fideliter recondere. Ego igitur Robertus, Dei gratia Lingonensis ecclesiȩ
l.5 episcopus, dum in matris basilicȩ gremio, nobis a Deo concesse, degeremus et secundum fidei doctrinam unacum fidelibus prefate ecclesiȩ de statu et profectu illius unani-
l.6-miter tractaremus, venit ad nos domnus Robertus Molismensis abbas, vir religiosus, per intercessionem et preces totius congregationis Lingonensis ecclesiȩ, precibus
l.7 quoque ac consilio domni Almarici ejusdem ecclesiȩ decani, sed et domni Lamberti thesaurarii, et domni Goscelmi et Hugonis Cabillonensis et Gerardi atque War-
l.8-nerii archidiaconorum, benignitatem nostram humiliter expostulans quatinus ȩcclesiam Beati Desiderii Lingonensis episcopi, quȩ in eadem urbe sita est, ad ȩcclesiam Sancti
l.9 Mammetis pertinentem, sancte Mariȩ Molismensis ecclesiȩ per instrumenta apicum concedere et misericorditer largiri non dedignaremur. Quorum juste et racionabili peticioni libenter
l.10 acquiescentes communi consilio et assensu totius capituli, quod pie postulabant, recto ordine ad effectum perducere curavimus. Damus igitur et concedimus sancte Mariȩ Molis-
l.11-mensi supramemoratam Sancti Desiderii ȩcclesiam et ejusdem martiris corpus, quod in eadem sepultum est, cum ecclesiȩ appendiciis, possessionibus scilicet, oblationibus, consuetudinibus,
l.12 pratis, terris cultis et incultis, sicut canonici possederant, exceptis militaribus casamentis, salvo tamen jure episcopali: adicientes quatinus ad honorem et reverentiam beatis-
l.13-simi martiris et egregii pontificis signum pro defunctis in eadem pulsetur, corpora defunctorum primitus presententur, et quicquid de parrochianis Sancti Mammetis, sive archidiaconus fu-
l.14-erit sive canonicus vel clericus aut qui laicus, in cimiterio antedicte Sancti Desiderii ecclesiȩ sepulture se tradere voluerit, absque omni calumpnia sepeliatur; quod si defunctorum amici
l.15 annuas oblationes vel tricenarios ibi facere voluerint, absque contradictione et reclamatione parrochiani Sancti Mammetis faciant: hec enim antique consuetudinis exti-
l.16-tisse et ad nostra usque tempora perdurasse indubitanter dinoscuntur. Donamus etiam eidem ecclesiȩ Molismensi ȩcclesiam de Monceun cum appendiciis suis et minutis decimis,
l.17 et medietate decimarum grossarum: et de hac medietate habeat ecclesiȩ sacerdos modium unum annone ad mensuram ejusdem ville, dimidium frumenti et dimidium
l.18 avene, et quicquid datur sacerdoti pro elemosina vel offertur, medietatem habeat sacerdos et alteram medietatem habeant monachi; de refectionibus vero, si redemptio fac-
l.19-ta fuerit, jamdicti monachi medietatem accipient et de tricenariis similiter; hec itaque ȩcclesia libera erit ab omnibus consuetudinibus, paredis, tabulis et crucibus,
l.20 excepto quod, si decanus ad sinodum venerit apud Lingonas, dabitur ei a monachis quartallus avene et fenum ad pastum duorum equorum ac stallus candele; si vero defuerit, ni-
l.21-chil ei redditur. Ecclesiam de Richeboro cum appendiciis suis, in qua sacerdos medietatem oblationum, elemosinarum ac decimarum omnium accipiet, reliquam vero medietatem mona-
l.22-chi habebunt. Ecclesiam de Hespilenc cum appendiciis suis et decimis. Ecclesiam de Summostir cum appendiciis suis et medietate minutarum decimarum et oblationum atque
l.23 elemosinarum. Ecclesiam de Visigniis cum appendiciis suis et duabus partibus decimarum omnium ac medietate oblationum atque elemosinarum. Concedimus etiam priori Sancti
l.24 Desiderii ut in supradictis ecclesiis liberam presbiterorum electionem habeat. Hoc etiam a nobis confirmatum est ut nullus abbas Molismensis ecclesiȩ vel prior Sancti Desiderii hec immuta-
l.25-re vel minuere vel censui dimittere vel aliquam possessionem ab ecclesia alienare valeat nisi ex consensu domni Lingonensis episcopi et capituli Sancti Mammetis. Actum est hoc
l.26 in capitulo Sancti Mammetis publice, subscriptis testibus laudantibus hec atque concedentibus. Quicumque huic testamento nostro ausu temerario contradicere voluerit, divine ultionis
l.27 vindictam sentiat et a participatione sacrosancti corporis et sanguinis domini nostri Jhesu Christi segregatus perpetuo anathemate feriatur, donec ad emendationem venerit.
l.28 Signum Roberti episcopi. Signum Almarici decani. Signum Lamberti erarii. Signum Goscelini archidiaconi. Signum Gerardi archidiaconi. Signum Hugonis archidiaconi. Signum Warnerii archidiaconi. Signum Theo-
l.29-derici capellani episcopi. Signum Duranni presbiteri. Signum Herberti presbiteri. Signum Humberti diaconi. Signum Petri diaconi. Signum Constancii diaconi. Signum Rodulphi subdiaconi. Signum Almarici subdiaconi.
l.30 Signum Constantini subdiaconi. Actum est hoc anno ab incarnatione Domini millesimo centesimo primo.
l.31 [sceau].