Otton II, roi, confirme à l'abbaye Saint-Maximin de Trèves les privilèges de ses prédécesseurs, la prend sous sa protection et lui accorde le libre choix de l'abbé.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA ANNUENTE CLEMENTIA REX. QUONIAM REGALIS ANTECESSORUM NOSTRORUM PROVIDENTIA
l.2 et sollititudo in construendis constructisve stabiliendis Dei aecclesiis pie jugiter invigilavit, idcirco benignissima et misericordissima Christi miseratione in cujus manu regum corda vel jura consistunt,
l.3 regni illorum diuturnitas pacificata viguit et effloruit. Unde nos pie salubriterque de nostri statu regni tractantes devotamque illorum sollicitudinem imitari cupientes privilegia piissimi genitoris
l.4 nostri domni imperatoris augusti cȩsaris Ottonis caeterorumque retroacti temporis imperatorum aut regum, Dagoberti videlicet, Pippini, magni Karoli piique Ludovuici successorumque eorum, coenobio Sancti Maximini
l.5 qui in suburbio Trevirorum requiescit, concessa vel adtributa cum consilio archiepiscopi Vuillihelmi fratris scilicet nostri nostra etiam auctoritate roborare decrevimus, ut et antecessorum nostrorum
l.6 benivola pietas non a nobis neglecta debilitetur et monachorum inibi Deo servientium tranquillitas ab aliqua subintroducenda persona non inquietetur, ea siquidem ratione ut idem coenobium
l.7 ubi prȩnotatus sanctus pontifex requiescit, cui venerandus abbas Wikerus prȩesse videtur, sicut sub antecessorum nostrorum sic sub nostro quoque jure mundiburdio et defensione con-
l.8-sistat nec alicui sedi aut aecclesiȩ, excepto nostrȩ regalitati, famulum aut appendex subjaceat. Concedimus etiam eis liberum inter se eligendi abbatem arbitrium, ut eo
l.9 securius divinum ab illis impleatur offitium summȩque propensius majestatis pro nobis implorent auxilium. Et ut hoc auctoritatis nostrȩ prȩceptum
l.10 firmum et stabile permaneat, cartam hanc conscribi et anuli nostri impressione signari jussimus, quam manu propria subtus firmavimus.
l.11 SIGNUM DOMNI OTTONIS [monogramme] INVICTISSIMI REGIS.
l.12 LIUDULFUS CANCELLARIUS AD VICEM VUILLIHELMI ARCHICAPPELLANI RECOGNOVI [ruche] [sceau].
l.13 Data XII kalendas augusti anno incarnationis dominice DCCCCLXIII, indictione VI, anno imperii domni imperatoris augusti pii cȩsaris Ottonis II, regni vero serenissimi regis Ottonis III. Actum Sologȩ. In Dei nomine, feliciter. Amen.

1