Otton I^er, roi, confirme plusieurs églises et dîmes à l'abbaye Saint-Maximin de Trèves.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DEI GRATIA REX. NOTUM ESSE VOLUMUS OMNIBUS FIDELIBUS NOSTRIS PRAESENTIBUS SCILICET ET FUTURIS, QUALITER VENERABILIS VUILLERUS
l.2 coenobitarum Sancti Maximini Trevericȩ civitatis suburbio requiescentis abbas interventu fidelium nostrorum, Brunonis videlicet germani nostri atque archiepiscopi necnon Hainrici eque germani nostri atque Cuonradi
l.3 ducis, nostram regalem adierit munificentiam, conquerens ab eis personis qui beneficia ex eadem tenerent abbatia, quoniam eidem abbati eorundem optimatum nostrorum interventu et consilio ȩcclesias
l.4 omnes abbatiae illius ex beneficiis omnibus ad usus prȩdictorum coenobitarum reddidimus, dominicales quas vulgo salicas vocant decimationes, quoniam essent nostrȩ regales et nulli umquam termino
l.5 episcopali vel aecclesiae subjacentes, in suos usus redigisse et ob id hospitalitatem quȩ ab eisdem salicis decimationibus jam antea in elemosinam prȩdecessorum nostrorum, regum videlicet
l.6 vel imperatorum, nostri quoque prȩbebatur hospitibus peregrinis et pauperibus, aut penitus destrui aut, si haec eadem elemosina nostri ex his locis vel sumptibus quos prȩdictis coenobitis in usum prȩbenda-
l.7-rium concessimus, amministraretur, nullo modo sufficere monachicȩ conversationi. Igitur consilio prȩnominatorum optimatum nostrorum in elemosinam nostri conjugisque et filiorum nostrorum, prȩce-
l.8-dentium quoque vel subsequentium regum vel imperatorum nostra regali auctoritate reddidimus prȩdicto venerabili abbati Vuillero coenobitisque Deo sanctoque Maximino in ejus provisione sub regula
l.9 sancti Benedicti famulantibus omnibusque in posterum eorum successoribus cunctas abbatiȩ Sancti Maximini dominicales quas vulgo salicas decimationes vocant, in quocumque regni nostri episcopio parochia
l.10 terminove sint sitȩ, in usus hospitum peregrinorum et pauperum, destructorem regni nostri successorumve nostrorum deputantes quicumque vel imperatorum vel regum vel qualiumcumque per-
l.11-sonarum ob alicujus personae machinationes vel infringere vel debilitare voluerit. Et ut hoc nostrȩ largitatis munus per succedentia tempora maneat inconcussum, istud nostrȩ auctoritatis
l.12 fieri jussimus conscriptum, regio statuentes decreto ut nullus successorum nostrorum prȩfatis coenobitis easdem decimationes aufferre prȩsumat vel ab aliqua persona subtrai per-
l.13-mittat. Quod nostrȩ auctoritatis conscriptum propria manu roboravimus et anuli nostri impressione insigniri prȩcepimus.
l.14 SIGNUM DOMNI OTTONIS INVICTISSIMI REGIS [monogramme]. LIUTULFUS CANCELLARIUS AD VICEM VUILHELMI ARCHICAPELLANI RECOGNOVI [sceau] [ruche].
l.15 Data VI idus martii anno incarnationis Domini DCCCCLVI, indictione XIII, regnante pio rege Ottone anno XXI. Actum in Franconovurt. Feliciter. Amen.

1