Eudes, roi des Francs, prend l'abbaye de La Grasse sous sa protection, place les biens de ce monastère sous la seule juridiction de l'abbé et lui confirme la libre élection de l'abbé, l'immunité et l'exemption de tonlieux et autres redevances.

l.1 [chrisme] IN NOMINE DOMINI DEI ETERNI ET SALVATORIS NOSTRI JHESU CHRISTI, ODO, CLEMENTIA DEI REX. SI NECESSITATIBUS SERVORUM DEI OPEM FERENDO LIBENTER CONSULIMUS, REGIE DIGNITATIS MOREM IMMITAMUR
l.2 et ob id nobis Deum fore propitium non dubitamus. Quamobrem notum sit omnibus sanctae Dei eclesiae fidelibus et nostris, presentibus scilicet atque futuris, quia Suniefredus, abbas venerabilis Sanctae Mariae, adiit nostram clemenciam, deprecans
l.3 excellentiam nostram renovari sibi preceptum quod olim ipse abbas, nomine Suniefredus, a dive memoriae imperatore Karolo impetravit, scilicet ut omnes res quae im prefata abbatia continebantur, tam ipsas que tunc ibi, Domino
l.4 largiente, conlate erant quam etiam illas quae postea a religiosis hominibus vel etiam commutate vel comcamiate vel quocumque modo aucte fuerunt, jure proprii abbatis continerentur nec in ullius potestate redigerentur aut episcopi
l.5 sive comitis, sed semper mundeburdo imperiali sive regali, liberi ab omni extranea dicione, omnimodis liberi, fulcirentur, necnon etiam auctoritatem in electione proprii abbatis a regali potestate illis concederetur.
l.6 Quapropter, annuentes ejus juste petitioni, concedimus atque precepto nostrae auctoritatis confirmare jubemus ut quicquid in predicto precepto domni videlicet et senioris nostri Karoli continere videtur tam
l.7 in electione proprii abbatis quam etiam in rebus ipsius abbatiae quae tunc ibi conlate erant vel postea aucte sunt sive futuris temporibus adicientur, totum absque ullius violentia perenniter possideant, solo
l.8 mundeburdo regio contenti. Jubemus autem atque precipimus ut, omni judiciaria potestate sublata, nullus in rebus eorum pote[statem h]abeat fidejussores tollere aut aliquem distringere aut paratam
l.9 sive mansionaticum accipere neque teloneum ab eorum hominibus neque etiam pontaticum aut rotaticum vel cespitaticum vel pulveraticum sive pascuaticum aut salaticum aut aliquid redibitionis ab illis ullumodo
l.10 exigatur, secundum quod im precepto jam prefato domni et piissimi imperatoris Karoli continetur insertum, quatinus pro nobis et regni nostri stabilitate sive pace sanctae Dei ecclesiae attentius et liberius
l.11 divinam clementiam, die et nocte invigilantes, omnimodis exorare studeant. Et ut hoc per omnia tempora inviolabiliter conservetur veriusque credatur, manu propria
l.12 subter firmavimus atque anuli nostri impressione insigniri jussimus.
l.13 SIGNUM ODONIS [monogramme] GLORIOSISSIMI REGIS.
l.14 THROANNUS NOTARIUS AD VICEM EBLONIS RECOGNOVIT ET SUBSCRIPSIT (RUCV) [sceau].
l.15 Datum III kalendas februarii, indictione VIII, anno tertio regnante domno Odone gloriosissimo rege. Actum in villa Lernegia. In Dei nomine, feliciter. Amen.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 6, pl. 5 (fac-similé).

BAUTIER (Robert-Henri), Recueil des actes d'Eudes, roi de France : 888-898, Paris, Imprimerie nationale, Klincksieck, 1967, p. 79-83, n° 18.

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 61-62, n° 36.