Arnoul, roi, donne à l'abbaye Saint-Maximin de Trèves la villa de Rübenach avec l'église, la dîme et le domaine qui en dépendent, et avec une pêcherie dans la limite de Windinga (Winnigen).

l.1 [chrisme] [IN NOMINE SANCTAE ET INDIVIDUAE TRINITATIS, ARNOLFUS, DIVINA GRATIA FAVENTE REX. SI ERGA ȨCCLESIAS DEI DIGNANTER DIVINIS] CULTIBUS CORUSCANTES NECNON PRECLARIS SANCTORUM PATROCINIIS CELITUS PREFULGENTES
l.2 curam gerere et aliqua inpendere eis oportuna studuerimus suffragia, sempiternae beatitudinis mercedem inde nos consequi posse pro certo confidimus et ibi Domino famulantes ad bonae conversationis propositum devotiores efficiemus ad orationemque nostram eos promtiores existere
l.3 credimus. Quapropter omnium sancte Dei ecclesiae fidelium tam presentium quamque futurorum cognoscat industria, qualiter quidam fidelis comes noster nomine Megingoz mansuetudinem nostram precatus est, ut coenobium in civitate Treveris in honore Christi et sancti Maximini constructum aliqua concessionis nostrȩ
l.4 gubernatione ditando augeremus. Nos autem aeternum anime nostrae remedium sollicita mente pertractantes et justae ejus admonitionis precatui libenter assensum prebentes decrevimus ita fieri et in pago Meinifeld dicto in comitatu ipsius ad eundem sanctum Dei martirem villam unam Ribanacha
l.5 vocatam perpetuo jurae in proprium concessimus et quicquid illuc juste pertinere videtur, id est ecclesiam in eadem villa constructam cum decima et curte, cum casa ceterisque edificiis, cum mansis habitantibus et mancipiis utriusque sexus, campis, agris, pratis, pascuis, silvis, aquis aquarumque
l.6 decursibus, molendinis, vineis, terris cultis et incultis, finibus et adjacenciis, viis et inviis, exitibus et reditibus, mobilibus et immobilibus, quesitis et inquirendis, et cum universa integritate jurae et rationabiliter ad prȩfatam villam pertinente, id est vennam in marca
l.7 Vuindinga sitam cum silvula, quam Conc rivulus alluit, ad instaurandam eandem vennam. Hec itaque omnia ad jamdictum sanctissimum locum potestativa manu in memoriam nostram et cunctorum quorum recordationem facere debitores sumus, in usum ibidem Domino et sancto
l.8 Maximino famulantium per hoc nostrae confirmationis conscriptum tradimus atque transfundimus, eo videlicet rationis tenore ut rectores ejusdem monasterii de his omnibus securam perpetualiter habeant potestatem, prout eis placuerit, universa disponere juxta utilitatem famulorum
l.9 Christi inibi divinum momentaneis horis obsequium officii persolventium et in hospitum pauperumque in elemosina nostra receptione absque ullius personae vim inferentis obstaculo. Et ut haec donationis nostrae auctoritas firmior habeatur et per futura tempora a fidelibus nostris verius
l.10 credatur ac diligentius conservetur, manu propria subtus eam firmavimus et anulo nostro insigniri jussimus.
l.11 SIGNUM DOMNI ARNOLFI [monogramme] SERENISSIMI REGIS.
l.12 ASPERTUS CANCELLARIUS AD VICEM THEOTMARI ARCHICAPELLANI RECOGNOVI ET [ruche] [sceau].
l.13 Data X kalendas februarii, indictione VI, anno incarnationis Domini DCCCLXXXVIII, anno vero I regni Arnolfi piissimi regis. Actum civitate Regina. In Dei nomine, feliciter. Amen.

2