Charles III le Gros, empereur, confirme à la chapelle royale de Francfort les églises données par son père, avec les dîmes, les biens et les dépendances pour l'entretien de douze clercs et de l'abbé Williherius, avec en outre l'église de Fechenheim.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, DIVINA FAVENTE CLEMENTIA IMPERATOR AUGUSTUS. NOTUM ESSE VOLUMUS FIDELIBUS SANCTȨ DEI ECLESIȨ ET NOSTRIS PRESENTIBUS SCILICET ET FUTURIS, QUALITER PIUS GENITOR NOSTER OB AMOREM DOMINI ET PRO SUȨ
l.2 mercedis augmento tradidit traditasque firmavit quasdam res proprietatis suae ad capellam suam ad Franchonofurt, quae est constructa in honore salvatoris domini nostri Jhesu Christi, hoc est illam capellam ad Cufstein et illud monasterium ad Ursella
l.3 et illam eclesiam in villa quȩ dicitur Steti et illam eclesiam ad Plagestat et illam villam Pargilla cum ecclesia et decima ad eam pertinente, sicut eam Ruotgerus in beneficium habuit, et illam ecclesiam ad Sprendilingun cum manso ad eam
l.4 pertinente et illam ecclesiam ad Biscofesheim cum omni decimatione cum mancipiis et terris ad eam pertinentibus et quicquid Ruotgerus habuit in villa Seggibah et eclesiam ad Sueinheim cum omni decimatione cum mancipiis et terris ad eam
l.5 pertinentibus et tres mansos ad Gelstrebah et illam capellam ad Nerenstein cum omnibus ad eam pertinentibus, sicut eam Aaro ibi in benificium habuit, et illam villam que dicitur Kadelcamph cum omnibus appendiciis et illam ȩcclesiam in villa quae dicitur
l.6 Uechenheim cum omnibus ad eam pertinentibus et illam capellam in Bunna, et sicut Heririh in beneficium habuit in Hosterenaha, et quod Ruotlind ad ipsam capellam tradidit, scripto confirmavit. Has itaque prescriptas res cum omni integritate, id est cum
l.7 omnibus ad eas pertinentibus in domibus, edificiis, mancipiis, campis, agris, pratis, paschuis, vineis, silvis, cultis et incultis, aquis aquarumque decursibus, mobilibus et immobilibus ad jamdictam capellam pius genitor noster tradidit atque transfudit, ut deinceps perpetu-
l.8-aliter ad Dei servitium peragendum ib permaneant absque ullius contrarietatis obstaculo. Et constituit, ut in eodem loco ad serviendum Domino consistant clerici XII, exceptis presbiteris, qui in locis illuc pertinentibus Domino famulantur, et hi omnes de
l.9 prescriptis rebus habeant stipendia necessaria, et ab illo abbate, cui ipsa capella commissa fuerit, nulla umquam hostilis expeditio exigatur. Insuper etiam precepit, ut abba Vuilliherius, cui ipsa capella commissa est, diebus vitae suae eam
l.10 securiter habeat cum omnibus ad eam pertinentibus, nec ullus ei inde quicquam auferre presumat, sicuti regiae partis tunc in beneficium habere visus fuit, cum omnibus prescriptis et jure ac legitime ad ea pertinentibus in decimationibus
l.11 seu alii appenditiis. Nos igitur paternae traditioni consentientes jussimus fieri hoc nostrae consensionis conscriptum, per quod volumus atque precipimus, ut sicut pius genitor noster prescripta omnia constitui atque firmavit, ita deinceps firmata et stabilita
l.12 permaneant absque ullius contradicentis aut inquietantis obstaculo. Necnon et insuper pro retributione aeternae beatitudinis augmentamus ad prescriptum sanctum locum [nonam par]tem de omni conlaboratu, videlicet de annona vino fresgingis foeno
l.13 et argento ex nostris indominicatis villis, quorum haec sunt nomina : Franchonofurt cum locis illuc pertinentibus, Triburias et vil[lis ill]uc pertinentibus, Ingilenheim cum locis illuc pertinentibus, Crucenacho similiter, Luittra similiter, Kerinesheim similiter
l.14 et quicquid pertinet ad episcopalem sedem in Vuormacia ex partibus Vuosagi. Et hȩc nostrae confirmationis auctoritas concessionisve inviolabilis in Dei nomine obtineat firmitatem, manu propria subter eam firmavimus et anuli nostri
l.15 impressione sigillari jussimus.
l.16 SIGNUM DOMNI KAROLI [monogramme] SERENISSIMI IMPERATORIS.
l.17 VUALDO CANCELLARIUS AD VICEM LIUTVUARDI ARCHICANCELLARII RECOGNOVIT ET [ruche] [sceau].
l.18 Data III idus decembris, anno incarnationis Domini DCCCLXXXI, indictione XIIII, anno vero imperii piissimi imperatoris Karoli I. Actum Franchonofurt curte imperiali. In Dei nomine, feliciter. Amen.

1