Urraka, reine de Léon et de Castille, donne à l'abbaye de Cluny, l'église Saint-Nicolas de Villafranca del Vierzo, située dans le diocèse d'Astorga, l'église Saint-Jean et l'hôpital de Monte Irago.

l.1 [chrisme] In nomine sancte et individue Trinitatis, Patris videlicet ac Filii et Spiritus Sancti, amen. Ego Urraka, Dei gratia Ispanie regina, regis Adefonsi regineque Constancie filia, grato animo et spontanea voluntate, facio kartam stabilitatis sive
l.2 testamentum firmitatis de ecclesia Sancti Nicholai, que sita in villa Burvia, que alio nomine nuncupatur Villa Franca, Cluniacensi cenobio, quod est constructum in honore apostolorum Petri et Pauli,
l.3 ac domno Poncio ejusdem loci abbati fratribusque illic Deo servientibus, et cunctis eorum successoribus in perpetuum. Hoc autem donum facio omnipotenti Deo et jamdicto monasterio Beatorum apostolorum Petri et Pauli
l.4 Cluniacencis, pro remedio animarum parentum meorum, regis scilicet Adefonsi ac regine Constancie et pro remissione peccatorum meorum, et ut orationibus fratrum in prefato loco Deo servientium et presentis
l.5 regni pacem, simul et stabilitatem michi peccatrici pius et misericors Deus benigne concedat ad sibi fideliter et humiliter serviendum, eternȩque beatitudinis requiem, cum sanctis et electis suis indulgeat.
l.6 Si quis autem vir vel femina de genere meo vel de alio aliquo hanc kartam violare temptaverit aut infringere voluerit, sit excommunicatus et a liminibus sancte Dei ȩcclesiȩ separatus, et cum
l.7 Datam et Abiron quos terra terribiliter absorbuit perpetuis penis deputatus, et cum Juda traditore in inferno inferiori sine fine cruciatus, et insuper exsolvat mille libras auri purissimi supradicte
l.8 ȩcclesiȩ rectoribus vel defensoribus et hec karta maneat firma et stabilis in perpetuum. Amen.
l.9 Facta karta die agnito XIIo kalendas septembris, era MCLVIII. [colonne1] Willelmus dux Aquitanorum confirmavit. Petrus Gonsalvez comes confirmavit. Rodericus Gonsalvez frater ejus confirmavit. Fernandus Garciaz confirmavit. Semeno Lopez dapifer regine confirmavit. Johannes Petrez confirmavit. [colonne2] Petrus Lopez testis. Petrus Diez testis. Goter Petrez testis. Bernardus Toletanus archiepiscopus confirmavit. Pelagius Austoricensi episcopus confirmavit. Didagus Legionensis episcopus confirmavit.
l.10 Ego Urraka predicta regina hanc kartam scribere mandavi et propria manu confirmavi, in qua etiam ȩcclesiam Sancti Johannis et ospitale de Monte
l.11 Irago Cluniaco monasterio concessi,
l.12 cum omnibus suis appendiciis, pascuis videlicet et montibus, cum omni integritate a[d] supradictum locum pertinente.
l.13 Dominicus Falconis canonicus et sacrista Burgensis sedis aecclesie Sancte Mariae confirmavit.
l.14 Petrus Vincencii notarius curie regine robur subscripsit, confirmavit. [monogramme].

2