Guigo, ses frères, et alii, donnent à l'abbaye de Cluny l'église Saint-Pierre et l'église Saint-Marcel situées à Allevard.

l.1 DOMINUS ac redemptor noster, cupiens humanum genus a laqueis diaboli, a quo per culpȩ suȩ meritum homines captivi tenebantur, misericorditer liberari, cum eos propriis
l.2 viribus sciret minime posse salvari, contra peccatorum nostrorum mortifera contagia preceptorum suorum obponere dignatus est salutifera medicamina, inter quȩ
l.3 duo in sacris eloquiis clarescunt eximia, quȩ principaliter ad obtinenda regna cȩlorum Dominus ammonet dicens: Facite vobis amicos de mamona iniquitatis,
l.4 qui vos recipiant in ȩterna tabernacula, et Facite helemosinam, et ecce omnia munda sunt vobis.
l.5 Quȩ Domini mandata nos fratres sive propinqui, scilicet: Guigo et Hysardus, et Ainardus, et Wilelma, et filius suus Wilelmus,
l.6 et Avierna, et Borno, et filii sui Borno et Rostagnus, et Petrus, et Umbertus et Bernardus et Petrus Brunus,
l.7 explere cupientes, donamus omnipotenti Deo et sanctis apostolis ejus Petro et Paulo, ad locum Cluniacum, ubi
l.8 domnus HUGUO abbas magis videtur prodesse quam preesse, videlicet ȩcclesiam Sancti Petri et Sancti Marcelli, quȩ sunt sitȩ in loco qui vocatur Alavardus; ad hoc ut ibi
l.9 monasterium fundetur, cum primiciis et partem terciam decimarum, seu oblationibus et helemosinis.
l.10 Facimus autem hoc donum pro salute animarum nostrarum et omnium propinquorum nostrorum vivorum sive defunctorum, quatinus meritis sanctorum apostolorum et monachorum Cluniensium oratio-
l.11-nibus, ita in hoc seculo Deo placere possimus, ut in futuro gaudia ȩterna habere mereamur. Amen.
l.12 Hȩc carta facta est anno ab incarnatione millesimo LXXXoIIdo. Si quis autem malo spiritu excitatus, sive propinquorum nostrorum seu extraneorum,
l.13 in hoc dono et helemosina a nobis facta aliquid, quod absit, inquietare aut calumpniare presumpserit, nullatenus adipisci valeat quod male quesierit,
l.14 et si forte aliquod dampnum ingesserit, predicti apostoli claudant ei januas Paradisi, nisi ad emendationem congruam venerit aut digne veniam
l.15 petere studuerit, alias vero sit anathema maranatha.

1