Paris, BNF, coll. de Bourgogne t. 78 n° 105

<< < / > >>

Numéro1714

Fiabilité de l'actenon suspecté

Genrecharte

Date1080(fiabilité :édition)

Lieunon identifié

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche190   mm

Hauteur à droite165   mm

Largeur en haut290   mm

Largeur en bas295   mm

AuteurThibaud Ier, comte  de  CHAMPAGNE, et Adélaïde son épouse

BénéficiaireAbbaye  de  CLUNY

Regeste

Thibaud Ier, comte de Champagne, et Adèle, son épouse, donnent à l'abbaye de Cluny, la villa Cossiacus avec ses dépendances.

Fac-similé

Texte

l.1 In nomine sanctae et individuae Trinitatis et sanctorum apostolorum Petri et Pauli, Hugoni venerabili abbati et
l.2 Cluniaco monasterio, atque Cosseiensi, domnoque Gozechino reverentissimo ejus loci preposito, eorumque successoribus,
l.3 Tetbaldus, Dei gratia Francorum comes, et uxor ejus Adelaidis cum filiis suis in perpetuum. Quotiens omnipotenti Deo bo-
l.4-norum omnium largitori quaedam, licet pauca, laudis sue usibus profutura conferimus, sua sibi reddimus, non nostra largi-
l.5-mur, quatinus haec agentes simus non de nostris muneribus elati, sed acceptis ab eo muneribus non ingrati. Nichil quidem
l.6 magis ingratum, et a christiana pietate constat penitus alienum, quam ei non saltem in minimis pro parte aliqua ministrare, a quo
l.7 non solum presentibus temporalium rerum copiis sumus effecti sublimes, verum futurorum bonorum per ipsius largissimam misericordiam
l.8 in aeternum fieri optamus heredes. Scientes ergo, quia fidutia magna est apud Deum elemosina omnibus facientibus eam, eo inspirante
l.9 et donante, amicos nobis in presenti facere cogitamus, a quibus post hanc vitam in aeterna tabernacula recipi mereamur.
l.10 Quapropter ego T[etbaldus] et A[delaidis], uxor mea, sanctitatis et religionis quae penes sanctum collegium vestrum nostris temporibus divina gratia largiente po-
l.11-tior celebriorque habetur, fide et devotione permoti, immo Dei inspiratione commoniti, Oddonem filium nostrum sacrȩ regenerationis
l.12 misteriis innovandum a vestra paternitate destinavimus, rati superna dispensante clementia sibi non inane futurum religiosores quam ditio-
l.13-res in Christo habuisse parentes. Ad cujus gratiae et devotionis nostrae propensiorem effectum efficatioremque profectum, nostrorum etiam redemptionem
l.14 peccatorum, in servitium et gloriam domini nostri Jhesu Christi sanctorumque apostolorum Petri et Pauli, sanctae paternitati vestrȩ et monasterio Cluniaco, voto
l.15 ac tradictione sollempni, perpetualiter concedimus et donamus quandam in nostro allodio villam, quae Cossiacus dicitur, cum ipso allodio, eo per omnia
l.16 quo nos eam actenus jure et potestate tenuimus, ab omni scilicet aliquorum hominum servitute et ditione immunem, cum omnibus
l.17 omnino ad eam juste pertinentibus, id est terris cultis et incultis, pratis, silvis, aquis aquarumque excursibus, circumquaque de jure ipsius po-
l.18-testatis existentibus, servis quoque et ancillis capite censis vel aliter se habentibus, ceterisque redditibus cunctis atque consuetudinibus justis
l.19 et actionibus; nullo prorsus ad nos respectu consuetudineve retenta, aut debitȩ servitutis aliqua pensione sive exactione modo quolibet exhiben-
l.20-da: quatinus universa tam a nobis quam a ministerialibus et servientibus nostris, in tota illa possessione, cujuslibet et oppressionis aut inquietudinis occasio
l.21 modis omnibus amputetur; Deo autem inibi militantes cum omni pace et tranquillitate libera Domini servitute fruantur. Quibus insuper auxiliarem manum
l.22 nostram ubicumque, et adversus quoscumque indiguerint, vel ratio postulaverit, tam presentissime quam humanissime semper promittimus affuturam.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 685-687, n° 3557.

Responsable

M.-J. Gasse

Comment citer cette notice

Acte n°1714 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1714»[En ligne] http://www.cn-telma.fr/originaux/charte1714/. Date de mise à jour : 29/03/12.