Arnoul de Regiomo et Elisabeth son épouse donnent à l'abbaye de Cluny leur domaine situé dans la villa Horchiensi, dans le diocèse de Besançon.

l.1 Felix negotiatio et expetenda omnibus Christi fidelibus mercatura, ubi pro modicis maxima, manentia pro transitoriis, pro temporalibus recipiuntur
l.2 ȩterna. Cujus mercationis ego Arnulfus de Regiomo et uxor mea Helisabeth, pro modulo nostro participes esse cupientes, perpetuȩ spe retributionis ille-
l.3-cti, donamus monasterio Cluniensi quod in honore beati PETRI apostolorum principis constructum est, cui domnus Hugo abbas Deo disponente preesse videtur,
l.4 predium hereditarium nostrum, situm in episcopatu Bisontiensi, in villa Horchiensi, cum omnibus appenditiis suis, cultis et incultis, planis et saltuosis, aquis
l.5 aquarumve decursibus, piscaria et piscatoribus et cum mancipiis utriusque sexus idem predium excolentibus. Quin etiam universaliter quicquid ibi
l.6 possidere visi sumus, ob remedium animȩ nostrȩ, et filiarum nostrarum, manu potestativa predicto monasterio Cluniensi tradimus
l.7 jure perpetuo, absque omnium hominum contradictione, ab hodierna die et deinceps possidendum.
l.8 Facta est autem hȩc donatio in loco Cluniaco, anno incarnationis dominicȩ MLXII, indictione XV, regnante Philippo
l.9 rege Francorum anno II. [croix] Signum Arnulfi. [croix] Signum Helisabeth uxoris ejus.