Paris, BNF, coll. de Bourgogne t. 77 n° 56

<< < / > >>

Numéro1657

Fiabilité de l'actenon suspecté

Genrecharte

Date12/04/1027(fiabilité :édition)

LieuCluny(lat :Cluniaco publice)

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche485   mm

Largeur en haut530   mm

Largeur en bas535   mm

AuteurJoceran

BénéficiaireAbbaye  de  CLUNY

Regeste

Joceran donne à l'abbaye de Cluny une église Saint-Hippolyte située dans le pagus de Mâcon, des vignes situées dans la villa Montaniaco et tous ses biens s'il meurt sans héritier.

Texte

l.1 QUISQUIS CATHOLICORUM pia intentione Deo placere appetit, hac ejus mandatis sedulo obsequi, et commissorum suorum pȩnitudinem gerere oportet,
l.2 necesse est ut quamdiu in hoc corpore degit, sumopere provideat quod eidem in perpetuum expediat, dumque adhuc vacat et donec hodie cognominatur, dumque tempus
l.3 acceptabile et dies salutis instare videntur, aurem corporis auditui cordis accomodet, et preveniendo faciem Domini in confessione, quantalibet valet satisfactione enormi-
l.4-tatem suorum facinorum bonis operibus expiare studeat; in proximo enim est ut judicium a domo Domini incipiat, et hisdem terribilis adveniens, unicuique prout gessit sive bona
l.5 seu mala retribuat. Quapropter noverint quicque caractere Christi insigniti, hac in commune sanctȩ matris aecclesiae filii, quod ego, ut credo, gratia Christi quȩ omnes homines vult
l.6 salvare preventus Gaucerannus, precogitansque futurum Dei judicium, aliquod remedium adinveni animae meae, ut in tremendo illo justi judicis examine, non cum
l.7 impiis dampnari sed pocius cum sanctis et electis merear gaudia aeterna adipisci; hac de causa dono largitori omnium domino Jhesu Christo et beatis apostolis PETRO et PAULO
l.8 et Cluniensi cenobio, cui preest domnus hac venerabilis pater Odilo, unam aecclesiam in honore sancti Hyppoliti dicatam, in territorio Matisconensi sitam, cum omnibus
l.9 ad ipsam aecclesiam aspicientibus, ut ab hodierna die et deinceps quicquid voluerint faciant. Dono aetiam in Montaniaco villa, post meum discessum, vineas
l.10 quas ibi habeo cum adjacentem sibi terram infra terminibus subjectis constitutam; terminat autem a sero via publica, a medio die terram sancti NAZARII,
l.11 et a cercio terram sancti PETRI. Et si absque liberis qui de fructu ventris mei ex propria et legaliter mihi uxore juncta nati sint, de hac vita excessero, dono omnia
l.12 mea quȩ mihi a progenitoribus sive genitoribus vel aliis parentibus meis jure haereditario obveniunt, tam servis et ancillis cum alodis eorum, quam aetiam in
l.13 aliis terris, cultis et incultis, in quibuscumque locis vel regionibus positis, totum ad integrum, quesitum et inquirendum. Dono aetiam franchicias et
l.14 vicarias et omnes consuetudines et comandicias quas mihi parentes mei dimiserunt. Quod si liberi ex meo et legalis uxoris meae semine progressi
l.15 sine legalibus filiis de proprio germine exortis mortui fuerint, hanc donationem Deo et sancto PETRO a me libenter factam, cum omni integritate absque
l.16 ullius ex meis heredibus vel proheredibus contradictione sive participatione, monachi Clunienses obtineant. Et ita per cuncta succedentia tempora
l.17 legalibus filiis ex meo semine progressis sibi vicissim recta et legali generationis linea succedentibus, nulli liceat in aliorum heredum vel
l.18 proheredum nostrorum possessione sive dominatione aliquid horum alienare vel transfundere; sed si ipsi aliquando ita defecerint, ut nullus remaneat, post illius obitum,
l.19 in quo primum ista defectio venerit, donum istud totum ad integrum, sicut superius tenetur adscriptum, absque ullius contradictione, perveniat ad Deum et ad sanctos
l.20 apostolos PETRUM et PAULUM et ad locum Cluniacum, in usus videlicet fratrum Deo inibi servientium. Facio autem hanc donationem non obtentu cujuslibet temporalis
l.21 comoditatis, sed respectu solius divine propitiationis, ut in die ultimi examinis sit tam mihi quam cunctis parentibus meis, fidelibus quoque atque amicis simulque omnibus
l.22 in comune christianis vivis et defunctis remedium salutis ac premium aeternae beatitudinis, et precipue illis qui laudatores et roboratores extiterint hujus nostrae
l.23 donationis. Si qui vero, quod minime futurum credimus, calumpniatores sive contradictores insurrexerint, notam cum Datan et Abiron et Juda traditore Domini
l.24 incurrent perpetuae maledictionis et penam absortus infernalibus tenebris luet aeternae dampnationis.
l.25 UT AUTEM HAEC DONATIO FIRMA PERMANEAT, MANU PROPRIA FIRMAVI TESTIBUSQUE FIRMANDAM TRADIDI.
l.26 SIGNUM GAUCERANNI QUI HANC DONATIONEM FIERI FIRMARIQUE ROGAVIT. SIGNUM
l.27 SIGNUM ACHARDI. SIGNUM ALDEBERTI. SIGNUM VUALTERII. SIGNUM JOCILINI. SIGNUM AIDOARDI. SIGNUM VUINIBALDI. SIGNUM AYMONI.
l.28 De condaminis quas Jocerannus dedit sancto PETRO, decimum quod exiebat de illis BERNARDUS filius ejus dedit totum sancto PETRO et mona-
l.29-chis de Cluniaco, et ipse BERNARDUS hoc scriptum firmavit et suis hominibus firmare precepit. Signum Gausfredi. Signum Bernardi. Signum Ardradi. Signum Tedoini prepositi.
l.30 ACTUM CLUNIACO PUBLICE, PRIDIAE IDUS APRILIS, FERIA IIII, REGNANTE RODBERTO REGE FRANCORUM.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 3, p. 572-575, n° 2493.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 2, p. 113-117, n° 54 (fac-similé, p. 114-116).

Responsable

M.-J. Gasse

Comment citer cette notice

Acte n°1657 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1657»[En ligne] http://www.cn-telma.fr/originaux/charte1657/. Date de mise à jour : 29/03/12.