Paris, BNF, coll. de Bourgogne t. 77 n° 91

<< < / > >>

Numéro1654

Fiabilité de l'actenon suspecté

Genrecharte

Date06/1023(fiabilité :édition)

Lieunon identifié

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche360   mm

Largeur en haut385   mm

Largeur en bas505   mm

AuteurGibaldus

BénéficiaireAbbaye  de  CLUNY

Regeste

Gibaldus donne à l'abbaye de Cluny des biens situés dans les villae Martiniacus et Alsado, dans le pagus d'Autun.

Fac-similé

Texte

l.1 [croix] Postquam primus humani generis protoplastes, maligno suadente angelo, a paradisi amoenitate expulsus est, in hujus convalle miseriarum
l.2 et ploracionum devenit, et qui post esum ligni vetiti scientiam se percipere posse confidebat boni hac mali, et aequalem suo conditori se op-
l.3-tabat fieri, non solum hoc quod male superbiendo concupiverat ammisit bonum, verum etiam ex ipsa in qua
l.4 conditus fuerat gaudia expulsus est, id promerente sua inoboedientia, et hanc sicut solus promeruit, utinam solus exci-
l.5-peret pȩnam. Sed quod sine gravi gemitu dici non potest, propter hunc solum, cuncti ex ejus propagine originem ducentes,
l.6 in hanc erumnosam et omni miseria plenam devenimus vitam, que quasi jure hereditario percepimus a primo parente nostro.
l.7 Ex hac igitur nullo pacto erui poteramus, nisi invisibilis Deus visibilem se preberet, et inmortalis mortalem se fieri
l.8 non dedignaret. Qui quam salubria suis imitatoribus dederit precepta, prout hominibus fas fuit proloqui, evangeliqua satis
l.9 indicant verba, in quibus et robustiores inveniunt quod commedant et minus fortes quod sugant: discunt namque inibi perfecti quicque
l.10 omnia sua postponere et contemplativȩ vitȩ jugiter deservire; secularibus vero actibus dediti, ut in aeternis tabernaculis mereantur
l.11 recipi, jubentur sibi de mammona iniquitatis amicos adipisci. Inter quos adhuc ego Gibaldus me ipsum agnoscens culpabilem et
l.12 nimis reum apud pium cunctorum judicem, tam pro redemptione animȩ meȩ quamque etiam pro salute et requie omnium parentum
l.13 meorum, cedo domino Deo sanctisque ejus apostolis Petro et Paulo, et ad locum Cluniacum, sub tuicione domni Odilonis abbatis constitutum, aliquid ex
l.14 mea hereditate, que sita conjacet in episcopatu Eduensi, et in comitatu Avalensi, in villa que nuncupatur Martiniacus: hoc sunt silvȩ, prati,
l.15 campi culti et inculti, aquis aquarumque decursibus, exitibus et regressibus, simul cum molendino quod est supra fluvium qui vocatur Alsonus.
l.16 Dono etiam similiter in altera villa que dicitur Alsado, omnia que ibi abere visus sum jure hereditario, cum molendino supra fluvium prenomina-
l.17-tum positum, cum omnibus ad ipsam hereditatem aspicientibus, quesitis et inquirendis, et servis atque ancillis his nominibus nuncupatis; tali vero racione
l.18 ut ab hodierna die et deincebs habeant monachi Cluniacenses potestatem faciendi quicquid facere voluerint. Facta carta donationis hujus in men-
l.19-se junio, die lunis, indictione VIII, regnante Rodberto rege anno XXXVI. Ego Gibaldus qui fieri eam jussi et manu propria firmavi testibusque idoneis
l.20 tradidi roborandam. Signum Armanni et Gibaldi filiorum meorum. Signum Ermuini episcopi Augustudunensi. Signum Landrici comitis. Signum Rainaldi
l.21 filii ejus et uxoris ejus. Signum Widoni et uxoris ejus Acherada. Signum Girardi clerici. Signum Walterii clerici. Signum Rodberti filii
l.22 Gibaldi, Rainaldi, Hugoni, Bererii, Frotmundi.
l.23 RAINAARDUS scripsit.

Notes

1

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 3, p. 805-807, n° 2781.

Responsable

M.-J. Gasse

Comment citer cette notice

Acte n°1654 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1654»[En ligne] http://www.cn-telma.fr/originaux/charte1654/. Date de mise à jour : 29/03/12.