Paris, BNF, coll. de Bourgogne t. 77 n° 46

<< < / > >>

Numéro1621

Fiabilité de l'actenon suspecté

Genrecharte

Date09/08/978(fiabilité :édition)

LieuLyon(lat :Lugduni, in publico)

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche355   mm

Hauteur à droite360   mm

Largeur en bas495   mm

AuteurAmblard, archevêque  de  LYON

BénéficiaireAbbaye  de  CLUNY

Regeste

Amblard, archevêque de Lyon, donne à l'abbaye de Cluny divers biens situés en Auvergne, afin que les moines construisent une celle dédiée à Saint-Pierre à Nimsiaco.

Texte

l.1 In nomine sanctȩ et individuȩ Trinitatis, Amblardus, Lugdunensis archiepiscopus, humanȩ cogitans fragilitatis casum, ac Deo juvante, videns facinora delicti terrena substantia posse redimi et aeterna tabernacula
l.2 feliciter inde adipisci, ergo pro animȩ meae remedio parentumque meorum omnium, concedo quasdam res meae adquisitionis, quas propria mea adquisivi substantia, Deo et sanctis apostolis beato Petro et Paulo
l.3 Cluniacensis coenobii. Eo scilicet tenore quatinus monachi Cluniacensis loci in Nimsiaco cellam Deo dicatam sibi construerent in honore beati Petri principis apostolorum, sanctique Benedicti mona-
l.4-chorum patris Deo militantes, et quod saepe mente bonae voluntatis habui, Deo opitulante, in fine obitus mei libenter perfeci. Namque cernens memet nullo modo posse evadere
l.5 casum mortis dirȩ conditionis, ante me breviare omnia jussi quae tribuere cupiebam Deo meo conditori ac monachis beati Petri et Pauli Cluniacensis monasterii. Itaque jurejurando praecepi
l.6 vadiatoribus meis pro Deo, pro omnibusque sanctis et per fidem quam mecum habebant, ut cartam meae elemosinariae integram et expressam facerent supradictis monachis, jamdictis apostolis beati
l.7 Petri et Pauli Cluniacensis coenobii. Ideoque nos vadiatores, videlicet Andreas praepositus, Ornadus decanus, Gundramnus abbas, Hugo abbas, Augendus canonicus, Stephanus diaconus, Pontio canonicus, Hugo laicus
l.8 sicut ipse noster senior Amblardus, Lugdunensis archipresul, jussit, facimus ejus vice Deo et sanctis ejus apostolis beato Petro et Paulo monachisque Cluniacensis aulae cartam de adquisitis
l.9 substantiis: quae res sunt sitae in pago Arvernico, in agro Tiernense, in vicaria Doratense. In primo donat Nimsiacum villam, cum omnibus appenditiis suis, campis, pratis, vineis, silvis,
l.10 pascuis, aquis decursibus, et quicquid ibi visus erat habere usque inexquisitum, et villam Gevretam totam ad integram, sicut ipse possidebat, et Montem Brisonem similiter, sicut ipse tenebat, et Arlatiam villam similiter
l.11 et Selviacum totum, sicut ipse habebat, et in vicaria Lodosense, villam Ledracum cum omnibus appenditiis suis, sicut ipse possidebat, et Calomnam villam similiter quicquid ibi habebat, et Foliosam
l.12 et quicquid ibi visus erat habere et Arniogolem totum quod suum erat, et Spiriacum, et quicquid illic possidebat, et Runcavulpem similiter totum quod suum erat. In his omnibus locis quicquid visus erat
l.13 habere, totum ad integrum, quȩsitum et usque inexquisitum, Deo et sanctis apostolis beato Petro et Paulo et monachis Cluniacensis loci concedo. Siquidem caritatem vestrȩ fraternitatis precatur, vos Dei oratores, ut in
l.14 vestris orationibus mereatur conscribi ac vestris precibus particeps fieri, quoniam vos prae cȩteris vestris vicinis venerabiliter dilexit. Si quis vero, quod minime fieri credimus, huic nostrȩ elemosinariae aliquam calumniam
l.15 inferre voluerit aut temptare conatus fuerit, in Dei omnipotentis iram incurrat, omniumque sanctorum, archangelorum, angelorum, apostolorum, martyrum, confessorum, sanctarumque virginum, et sit particeps cum Juda traditore,
l.16 et anathematus et condemnatus sit et a bonorum omnium fidelium consortio ejectus, et cum Dathan et Abiron in ima profundi baratri expulsus. Qui contra hanc elemosinariam vim nequitiae
l.17 exercere voluerit, nec vendicet quod petit, sed sit alienatus ab clericorum omnium orationibus, monachorumque omnium, nec requies illi aeterna veniat, nisi resipiscat, et se culpabilem reddat, et deinceps
l.18 hȩc elemosinaria firma et stabilis permaneat cum stipulatione subnixa. Signum Amblardi archiepiscopi qui hanc elemosinariam suis vadiatoribus scribere et firmare praecepit.
l.19 Signum Andreae praepositi. Signum Gontramni abbatis. Signum Ornadi decani. Signum Hugonis abbatis. Signum Stephani diaconi. Signum Augendi canonici. Signum Asterii sacerdotis. Signum Gotescalci canonici. Signum Pontionis diaconi. Signum Sigibaldi diaconi.
l.20 Signum Artaldi laici. Signum Haymini laici. Signum Hugonis. Signum Bodonis. Signum Hugonis.
l.21 Ego Landbertus, humilis clericus, hanc elemosinariȩ firmitatem in mense augusti, V idus ipsius mensis, in die veneris, datavi DCCCCLXXVIII Domini incarnationis, indictione VI, Lothario piissimo rege
l.22 feliciter regnante in Francia. Actum Lugduni, in publico, coram populi multitudine.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 2, p. 503-506, n° 1450.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 2, p. 72-75, n° 44 (fac-similé, p. 73-75).

Responsable

M.-J. Gasse

Comment citer cette notice

Acte n°1621 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1621»[En ligne] http://www.cn-telma.fr/originaux/charte1621/. Date de mise à jour : 29/03/12.