Raoul II, archevêque de Tours, à la demande de l'abbé de Marmoutier, décide de laisser aux moines la franchise de l'autel Notre-Dame de Rivière sur Vienne.

l.1 Radulfus secundus, humilis Turonorum Dei gratia archiepiscopus, tam presentibus quam posteris hoc memoriale. Notum fieri fidelibus
l.2 omnibus scripti memoria voluimus, nos peticione et rogatu venerabilis fratris nostri Wilelmi scilicet abbatis Majoris Monasterii
l.3 et monachorum ejus, auctoritate domni papȩ Paschalis et legati ejus G. et nostra, de altari sanctȩ Mariȩ de Ripera quod sub nostra
l.4 diocesi in pago Turonico supra Vigennȩ fluvium situm est sic decrevisse et statuisse, ut illud deinceps prefati monachi
l.5 salvo jure debitorum Turonensis ȩclesiȩ liberum et quietum obtineant, ita videlicet ut nec Guilelmus de Ripera qui
l.6 sibi antea altaris ejusdem oblationes usurpabat, nec alius quilibet preter jamdictos monachos in eodem altari manum
l.7 mittere presumat. Quam nostrȩ auctoritatis confirmationem ratam perpetuo manere sancimus, et ne cujuslibet male
l.8 invida presumptione ulterius violetur, sub anathemate interdicimus. Datum Turonis, anno ab incarnatione Domini MCXV,
l.9 quinto idus augusti, papa Paschali, Francorum rege Lodovico.
l.10 [sceau].

1