Réglement judiciaire entre les moines de Marmoutier et leur vassal Daniel de Parçay à propos du fief de la mairie de Parçay.

l.1 Notum sit presentibus et futuris, quod Daniel major de Parciaco furatus est aliquando annonam
l.2 monachorum Majoris Monasterii quorum major ipse erat, et occulte vendidit eam Adelardo
l.3 de Parciaco et Petronille uxori ejus. Igitur de hoc forisfacto inplacitaverunt eum monachi,
l.4 et ad hoc res ducta est, quod Johannes Pauper et Gualterius Facit Malum, judicaverunt, Danielem illum
l.5 forisfecisse majoriam suam, et quicquid tenebat de monachis, et ita perdidit majoriam. Hoc viderunt
l.6 et audierunt: Willelmus prior, Sancelinus cellerarius, Hubertus cellerarius, Paganus camerarius, Odo de Fon-
l.7-tanis, Landricus hospitalarius, Adelardus de Parciaco, et Petronilla uxor ejus, Gualterius filius ipsius
l.8 Danielis. Porro non multo post tempore, cepit idem Daniel denegare totum placitum suprascriptum.
l.9 Unde iterum monachi adterminaverunt ei diem placiti. Venit dies. Ventum est ad placitum.
l.10 Habuit Daniel ex parte sua Archengerium de Rupibus et cum jam deberet fieri judicium, recognovit
l.11 Daniel sic placitasse monachos contra eum sicut superius relatum est. Unde et iterum judicatum
l.12 est, cum jure majoriam perdidisse. Ubi et affuit Gualterius Facit Malum, quia in altero placito
l.13 abjudicaverat ei majoriam. Requisierat autem et Gualterius filius ipsius Danielis a monachis maj-
l.14-oriam illam, et quod dixerat pro forisfacto patris sui non deberet eam amittere, et venerat terminus in quo tractan-
l.15-dum erat inde inter monachos et eum, et tunc requisierunt monachi ab eo, ut prius redderet eis centum
l.16 solidos denariorum, quos ante multos annos pepigerat pater ejus abbati eorum pro eadem majoria, nec unquam
l.17 reddiderat eos, et ut prius emendaret eis, et hominibus eorum, quedam alia forisfacta, quȩ reclama-
l.18-rent contra eum. Respondit ille de illis centum solidis factam fuisse concordiam cum monachis,
l.19 per manum domni Radulfi tunc prioris. Ad hȩc monachi responderunt, domnum Radulfum non esse tunc
l.20 presentem, sed venturum ad festivitatem hyemalem beati Martini quȩ futura erat post dimidium
l.21 fere annum, et si ille Gualterius diratiocinaret hoc in prȩsentia ejus, ipsi concederent. Respondit
l.22 ille quod infra festivitatem estivalem beati Martini acciperet inde consilium, utrum hoc facturus
l.23 esset an non et habuit convenientiam ipsis monachis, quod infra terminum illum nichil forisface-
l.24-ret eis, neque frater ejus, neque pater eorum. Sed paulo post violata fuit fiducia illa. Nam pater ejus et fratres
l.25 infregerunt furtim quandam domum monachorum, infra terminum constitutum. Propter quod monachi
l.26 ceperunt illum Gualterium et tenuerunt in captionem per aliquot dies, donec ipse recognovit,
l.27 se injuste agere adversum monachos, et juravit eis super sanctorum reliquias in presentia istorum
l.28 monachorum: Wilelmi prioris, Odonis de Sonziaco, et Johannis de Combornio qui reliquias
l.29 attulerat, quod ab illo termino, tunc autem erat annus dominicȩ incarnationis MCX usque ad
l.30 decem annos, non requireret a monachis majoriam illam, fuit quoque talis convenientia inter
l.31 eos, quod si ita se haberet erga monachos, ut post illos decem annos placeret eis reddere ei
l.32 majoriam, reciperet eam. Si autem monachi non redderent ei et ipse vellet adhuc inde placitare
l.33 contra eos, monachi requirerent prius ab eo centum solidos supradictos, et alia forisfacta sua.
l.34 Ibidem quoque juravit eisdem monachis, quod in tota vita sua servaret eis legiam fidelitatem
l.35 adversus omnes homines, neque faceret sibi dominum sive advocatum contra eos. Juravit etiam quod propter
l.36 occasionem captionis quam monachi fecerant ei nec ipse nec aliquis alius propter eum faceret quicquam
l.37 mali vel dampni ipsis monachis aut rebus eorum. Hoc factum est presentibus jamdictis monachis,
l.38 id est Willelmo priore, Odone de Sonziaco, Johane de Comburnio, Hu[bertus] cellerario, qui recepit
l.39 jus jurandum, Sancelino cellerario, Arnulfo cellerario, Pagano camerario, Rotberto Torto Capello,
l.40 Radulfo caballario, Ebrardo scutellario et [...] aliis.

1