Geilon, évêque de Langres, à l'occasion du synode, fait confirmer par les évêques présents un diplôme de Charles le Gros confirmant tout ce que ses prédécesseurs et lui-même avaient donné ou restitué à l'église de Langres.

l.1 Anno dominicae incarnationis DCCCLXXXVII, anno quoque domni et serenissimi Karoli, imperatoris augusti, in Gallia imperantis II, indictione V, XV kalendas junii, sacer episcoporum conventus ob pacem et tranquillitatem sanctae Dei ecclesiȩ statuendam, et ecclesiastica
l.2 negotia decernenda, apud ecclesiam Sancti Marcelli martyris, in suburbio Cavillonensi, in Christi nomine coadunatus est, ubi interfuerunt domini et sanctissimi archiepiscopi Aurelianus, Bernuinus, Teotrannus necnon et reverentissimi episcopi Adalgarius, [Geylo],
l.3 Stephanus, Geraldus, Adalboldus et Isaac. Suprascriptus denique Geylo, reverendus episcopus ecclesiȩ Lingonensis, unacum supradictis patribus in hoc sacrosancto residens conventu, eorum obtutibus praecepti edictum obtulit a supra-
l.4-memorato domno et excellentissimo imperatore Karolo semper augusto sibi conlato super omnes videlicet res ecclesiae sibi a Deo commissȩ, tam illas quas antiquis temporibus praedictȩ suȩ ecclesiȩ imperatores vel reges condonaverunt atque praecepto suȩ auctoritatis resti-
l.5-tuerunt, vel quas sui antecessores quocumque commento adepti fuerunt, quam etiam et illas quas ipse suo tempore per prȩcepta apud ejusdem domnum et gloriosissimum imperatorem adquisivit, quatinus per hoc praenominatum edictum non so-
l.6-lum ipse, sed et omnes sui successores, absque alicujus inquietudine eas legitimo ordine obtinere in Dei nomine perpetuo valerent. Harum namque rerum nomina sunt haec: castrum videlicet Divionense, ubi habetur ecclesia in honore beati Stepha-
l.7-ni prothomartyris, et juxta eundem castrum monasterium Sancti Benigni martyris; et in pago Tornotrensi, monasterium Sancti Petri Melundensis, et ipsum castrum Tornodorum ubi habetur ecclesia in hore beati Aniani, cum omni re sibi competenti; necnon et in eodem pago abba-
l.8-tiolam Sancti Symphoriani, loco qui Ladiniacus dicitur, et aliȩ quam plurimȩ res in eodem comitatu consistentes. Infra muros denique jamdictȩ civitatis Lingonicȩ est abbatiola Sancti Petri, et juxta, in suburbio ejusdem civitatis, abbatiolȩ duȩ Sancti scilicet Amato-
l.9-ris et Sancti Ferreoli, et monasterium Sanctorum Geminorum; in pago etiam Atoariorum: monasterium Sancti Petri Besuensis. Sunt et aliae quam plurimae res, abbatiolȩ diversarumque rerum possessiones, quas haec eadem Lingonensis ecclesia legittimo [ordine]
l.10 juste et rationabiliter obtinere videtur. Obtulit etiam et in hoc eodem edicto qualiter ipse supramemoratus praesul apud saepememoratum domnum et serenissimum imperatorem abbatias, villas aliasque res suae ecclesiae competentes ex castellis,
l.11 monetis, mercatis ac immunitatibus per praecepta suo tempore adquisivit; hoc est in pago Tornotrensi, abbatiam Sancti Johannis confessoris; et in pago Magnimontensis, abbatiam Sancti Sequani; et in pago Atoariorum, villas his nominibus: Gradicum, Pontiliacum,
l.12 Montaniacum necnon et Rocunnacum; et in pago Latiscensi, et in ipso castro Laizcono, abbatiolam Sancti Marcelli; et in pago Trecasinensi, villam quam Ulmos vocant. Postea vero idem venerabilis Geylo episcopus supramemoratos dominos et sanc-
l.13-tissimos patres et episcopos, cum quantis precibus potuit, humiliter deprecatus est quatinus hoc praecepti edictum, ut firmius et certius haberetur et ne alicujus temeraria praesumptione infringi valeret, privilegio suae auctoritatis
l.14 corroborare dignarentur. Cujus piissimis et laudabilibus efflagitationibus supramemorati domini et sanctissimi patris, aurem suȩ mansuetudinis accomodantes, praescriptum edictum super omnibus rebus ecclesiȩ Lingonensis statutum per hoc suȩ
l.15 auctoritatis privilegium eo confirmaverunt tenore, atque confirmando sua episcopali sanctione statuerunt ut quemadmodum saepenominatus imperator augustus sua imperiali institutione illas res praefatas ad ecclesiam Lingonensem confirmavit, ita
l.16 et nos nostra canonica et episcopali confirmamus auctoritate, ea scilicet ratione ut nullus deinceps princeps, aut aliqua judiciaria potestas, seu aliqua praesumptiva persona eas inpedire, inquietare sacrilegoque more invadere prȩ-
l.17-sumat, sed uti jam sȩpefatȩ ecclesiȩ Lingonensi coadunatȩ atque stabilitȩ sunt, ita cum omni integritate inviolabiliter perpetuo teneantur. Si quis autem temeraria sacrilegaque praesumptione convictus, atque inrefragabili cupi-
l.18-ditate caecatus hoc quod Dei et nostra confirmamus auctoritate in aliquo infringere prȩsumpserit, aeterna se sciens dampnatione multandum, et cum diabolo et angelis ejus sempiterno incendio concremadum atque cum [Juda traditore]
l.19 domini et salvatoris nostri Jhesu Christi et cum Datan et Abiran perpetuali poena cruciandum, et insuper a liminibus sanctȩ Dei ecclesiȩ et a coetu omnium fidelium Cristianorum tamdiu habeatur extorris donec ab inlicita praesumptione resipiscens, [condigna poenitentia]
l.20 et satisfactione necnon et emendatione iram omnipotentis Dei, quam incurrere non timuit, placare procuret. Harum itaque sanctionum evidentissimam confirmationem manibus nostris subter subscribendo [adnotavimus]
l.21 absentium quoque sacerdotum [nec minus idoneis] subscriptionibus per Christum et in Christo similiter corroborari postulamus.
l.22 [chrisme] Geylo, sanctae Lingonensis ȩcclesiae humilis episcopus, hoc privilegium relegi, consensi et [ruche_notes_tironiennes].
l.23 [chrisme] Aurelianus, sanctae Lugdunensis aecclesiae exiguus episcopus, Christi nomine roboravi.
l.24 [chrisme] BARNOINUS, HUMILIS SANCTȨ VIENENSIS ECCLESIȨ EPISCOPUS, [subscripsi].
l.25 [chrisme] ADALGARIUS, EDUORUM EPISCOPUS, [subscripsi]. [chrisme] STEPHANUS, SANCTAE CAVILONENSIS ECCLESIAE HUMILIS EPISCOPUS, [subscripsi].
l.26 [chrisme] ADALBALDUS, ECCLESIAE BELICENSIS EPISCOPUS, [subscripsi].
l.27 [chrisme] Geraldus, sanctȩ Matisconensis ȩclesiȩ episcopus, [subscripsi].
l.28 [chrisme] Isaac, humilis Valentinensis ecclesiae episcopus, [subscripsi].

MARTENE (Dom Edmond), DURAND (Dom Ursin), Thesaurus novus Anecdotorum complectens Regum ac Principum aliorumque virorum illustrium epistolas et diplomata monumenta plura de Schismate Pontificum Aveniensium chronica varia, monumenta historica, varia concilia, statuta synodalia et opuscula varia SS. Patrum aliorum que auctorum Ecclesiasticorum, 5 vol., Paris, 1717, t. 4, col. 67-70.

ROSEROT (Alphonse), Chartes inédites des IXe et Xe siècles, appartenant aux archives de la Haute-Marne (851-973), in Bulletin de la Société des Sciences historiques et naturelles de l'Yonne, 51 (1897), p. 161-209, p. 192-194, n° 19.

BAUTIER (Robert-Henri), Les diplômes royaux carolingiens pour l'église de Langres et l'origine des droits comtaux de l'évêque, in Cahiers Haut-Marnais, 167(1986), p. 145-177, p. 163-164.