Renaud de Château-Gontier donne aux moines de Marmoutier ses eaux à Fontcher ; ceux-ci dédommagent les bénéficiers Pierre Ticion et Renaud le Maréchal, puis les héritiers de Renaud qui protestaient contre cette donation.

l.1 Notum sit omnibus, quod Rainaldus de Castro Gunterii dedit nobis Majoris Monasterii monachis totam aquam suam de Fonte Caro. Et de
l.2 dono suo habemus legitimas litteras. Petro Ticioni qui dicebat se de Rainaldo illam aquam tenuisse, dedimus X libros denariorum propter concessionem
l.3 et sic concessit nobis quicquid in illa aqua habebat. Sed et Rainaldo mariscalco qui se dicebat de Petro Ticione ipsam aquam tenuisse, dedimus
l.4 propter suam concessionem C solidos et unum palefridum bene valentem VII libras et ita concessit nobis quicquid suum fuerat in supradicta aqua.
l.5 Utrorumque concessionis testes sunt hi: Rodulfus canonicus sancti Martini de Burgulio, Fredericus et Adelardus homines ejusdem Rodulfi, Ebrardus
l.6 Chabocius, Gausfredus servitor illius Rainaldi et custos ejusdem aquȩ, Rainaldus filius Ingelardi. De nostris: Odo cellararius, Lealdus
l.7 major, Martinus cellararius, Durandus cocus, Gaulterius sartor, Adraldus cocus, Lisiardus filius Ingelrici, Landricus cocus,
l.8 Hilduinus cellararius, Ebrardus hospitalarius. Post aliquantum vero temporis supradictus Rainaldus mariscalcus magna captus cupiditate
l.9 utpote homo secularis, calumniari nobis cepit, boscum suum ad combros faciendos. Sed et ipsam aquam calumniabantur nobis filii ejus Ascelinus et Matheus, di-
l.10-centes se numquam concessisse. Quid aliud ad hȩc faceremus homines inbelles, et pacis semper amatores nisi concordiam querere? Quesivimus
l.11 ergo eam, et invenimus. Anno nanque ab incarnatione Domini MXCII in die festivitatis Calixti papȩ, venit isdem Rainaldus cum duobus
l.12 filiis suis Ascelino videlicet et Matheo in capitulum nostrum coram domno abbate Bernardo qui tunc nobis preerat, et guerpiverunt pariter calumniam
l.13 quam nobis faciebant. Dederunt etiam nobis II arpennos prati apud Fontem Carum sitos, et de bosco suo quantumcumque voluerimus ad combros
l.14 faciendos vel ad quelibet facienda, tantum in illa aqua quam nobis concedebant. Hujus donationis gratia dedit illis tribus domnus abbas beneficium
l.15 nostrȩ congregationis. Dedimus etiam Rainaldo VI libras denariorum, et unum monachile pellicium. Et Ascelino majori filio illius dedimus
l.16 XL solidos et strevos emptos quatuor solidos, minori autem videlicet Matheo, II solidos. Quod viderunt et audierunt hii qui subter scribuntur:
l.17 Gilbertus armiger ejus, Mainerius filius Ganilonis, Johannes de Bello Monte. Hi de illorum parte. De nostra: Sancelinus cellararius, Arnulfus
l.18 cellararius, Ansegisus de Ponte, Lisiardus filius Bone Matris, Gauslinus filius Rainberti, Pipardus nauta, Raherius piscator, Gausbertus
l.19 Gazer, Letbertus de Sartrino, Stephanus de Sartrino, Paganus de Sartrino, Durandus de Sartrino, Natalis de Sartrino, Landricus cocus,
l.20 Rotbertus Tortus Capellus, Hildemarus de Coquina, Otgerius et Herveus Callidus de Hospcio, Harduinus de Pistrino. Ad meciendum et ad recipien-
l.21-dum illos II arpennos prati, quos nobis dederant, affuerunt isti: de monachis: Hainricus hospitalarius, Gaufredus de Malciaco, Guarnerius
l.22 prior Fontis Cari, Gaufredus cantor, Maino cellararius; de laicis: Rainaldus mariscalcus, Gilbertus armiger ejus, Gaufredus de Britaniaco, Rainaldus
l.23 major, Giraldus famulus, Johannes hospitalarius, Rainaldus Tortus, Densbertus, Haimericus famulus de Fonte Caro, Gauffredus homo Rainaldi mariscalci
l.24 qui propter hoc quod recte mensuraret illa prata recepit a domno Mainone cellarario VIII denarios.
l.25 Actum est hoc anno ab incarnatione Domini MXCII agentibus nobis sub domno abbate Bernardo, tempore Philippi regis.