Charles le Gros, empereur, confirme un accord de précaire passé entre son fidèle Dodon et l'évêque de Langres Geilon.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, DIVINA FAVENTE CLEMENTIA IMPERATOR AUGUSTUS.
l.2 Si fidelium nostrorum justis postulationibus aurem nostrae serenitatis accomodamus easque ad effectum piae petitionis prosperando perducimus, profuturum [nobis hoc]
l.3 ad aeternam beatitudinem facilius optinendam et ad praesentem vitam felicius transiendam fore nullatenus dubitamus. Qua de re notum esse volumus omnium
l.4 sanctae Dei aecclesiae nostrorumque fidelium praesentium scilicet ac futurorum industriae, quia adiens genua serenitatis nostrae Geilo venerabilis Lingonensium episcopus
l.5 Deo dignus nobisque valde amabilis consentiente dilectae conjugi nostrae Rigardi optulit optutibus nostrae sublimitatis praecariam cujusdam fidelis nostri Dodonis cum sancto Mammȩte
l.6 rectoribusque ejus factam de Bagedo villa, de Jambleno curte cum appendiciis omnibus in pago Barrensi, de Calgiaco villa Columbarensi, de Revualdinco villa Uscarensi,
l.7 de eo quod in Solerchiis villa habetur, de manso indominicato Idrii ecclesia ac de omnibus, quae ibi aspiciunt, et omni conquestu de Urtis quoque villa in pago Portensi cum suis [appendicibus],
l.8 de Salis aetiam villa et Parentiniaco cum appendicibus pagi Atoariorum necnon de Montiniaco villa pagi Laticensi cum adjacentiis atque de his omnibus, quae in [Midriaco et in Ana]-
l.9-vencis et in Buris consistunt. Insuper et humiliter depraecatus est, ut eandem praecariam praecepto nostrae auctoritatis confirmaremus. Cujus [humili petitioni],
l.10 quia grata nobis extitit, assensum praebentes super praetaxatam praecariam praeceptum nostrae altitudinis more imperiali fieri et Dodoni et [Vuandelmodi uxori]
l.11 ejus dare jussimus, per quod praecipimus atque jubemus, ut hinc et in omne tempus, quamdiu aliquis illorum advixerit aut pr[ocreatio filiorum ac filiarum]
l.12 ex eis orta duraverit, quicquid in jamdicta sonat praecaria et in praesenti continetur praecepto, sine alicujus contradic[tione liberrimo potiantur]
l.13 arbitrio; post eorum quoque omnium discessum eaedem res inmelioratae cum plenissima integritate sine aliqua minoratione [par]-
l.14-tibus sancti Mammetis reddantur. Ut autem hoc nostrae auctoritatis inviolabile praeceptum in omnipotentis nomine firmius ha-
l.15-beatur et diligentius ab omnibus custodiatur, manu propria subter illud firmavimus et dehinc anuli nostri impressione insigniri jussimus.
l.16 SIGNUM KAROLI [monogramme] PIISSIMI IMPERATORIS AUGUSTI.
l.17 [chrisme] AMALBERTUS NOTARIUS AD VICEM LIUTHUARDI RECOGNOVIT ET SUB[SCRIPSIT] [ruche] [sceau].
l.18 Datum XVIII kalendas februarii, anno incarnationis domini nostri Jhesu Christi DCCCLXXXVII, indictione IIII, anno quoque imperii domni Karoli in Gallia II. Actum Scletistat palatio. Feliciter. Amen.

SICKEL (Theodor von), Diplome des 8, 9 und 10 Jahrhundert, in Forschungen zur deutschen Geschichte, t. 9 (1869), p. 403-434, p. 423, n° 15.

ROSEROT (Alphonse), Diplômes carolingiens originaux des archives de la Haute-Marne, in Bulletin de la Société des Sciences historiques et naturelles de l'Yonne, 47 (1893), p. 503-539, p. 523-524, n° 13.

KEHR (P.), Die Urkunden Karls III., Berlin, 1937 (MGH Diplomata regum Germaniae e stirpe Karolinorum, 2), p. 248-250, n° 154.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 9 (fac-similé).

BAUTIER (Robert-Henri), Les diplômes royaux carolingiens pour l'église de Langres et l'origine des droits comtaux de l'évêque, in Cahiers Haut-Marnais, 167(1986), p. 145-177, p. 162.