Milesendis donne au monastère de Bourgueil un manse situé près de Dulvicus en Poitou.

l.1 Dum in presentis ȩvi ȩrumnosa habitatione divitiis
l.2 affluimus, honoribus potentiaque vigemus, de rebus transi-
l.3-toriis atque caducis animas nostras redimere debemus,
l.4 quo mereamur eripi a perpetua morte et adipisci
l.5 aeterna premia vitȩ. Quapropter ego Milesindis con-
l.6-siderans inmensa peccatorum meorum pondera simulque
l.7 metuens magni judicii diem in qua reddituri sumus cuncti
l.8 de propriis factis rationem, ob amorem omnipotentis Dei et animȩ senio-
l.9-ris quondam mei Narberti et meae necnon omnium filiorum
l.10 atque parentum meorum tam vivorum quam ȩtiam defunctorum
l.11 redemptione, tribuo atque perpetualiter concedo monasterio
l.12 sancti Petri quod est situm in pago Andegavensi in villa Burguliensi
l.13 aliquid de rebus propriȩtatis meȩ mansum scilicet meum indomini-
l.14-catum situm in pago Pictavo in vicaria Laucidunensi prope villa
l.15 quȩ dicitur Dulvicus cum ipso vineale qui est subtus ipso manso, et
l.16 cum omnibus utilitatibus ad ipsum pertinentibus quȩ jamdudum sunt
l.17 inquisitȩ et a nobis possesse et quȩ ab hodie inantea poterunt
l.18 inquiri. Hȩc omnia de mea in illorum transfero potestate ita ut
l.19 ab hodierna die et deinceps nullus omnino hominum habeat potesta-
l.20-tem in tota illa terra nisi solus abbas et monachi in prelibato degentes
l.21 loco. Si quis vero ego ipsa aut ullus ex heredibus meis aliquam calumniam inquie-
l.22-tare presumserit in primis iram omnipotentis Dei [incur]rat, deinde solidos D coactus
l.23 exsolvat, et sua repetitio inanis permaneat. Ut vero hȩc auctoritas cercius
l.24 a nobis facta esse credatur, manu propria eam firmavi manibusque fidelium nostrorum
l.25 corroborari feci.