Tours, AD Indre-et-Loire, H 24 n° 5

<< < / > >>

Numéro1402

Fiabilité de l'actenon suspecté

Genrecharte

Date990(fiabilité :texte)

Lieunon identifié

DiocèseAngers

RégionCentre

Supportparchemin

Chirographienon

Sceau non scellé

Etat de la traditioncopie

Hauteur à gauche502   mm

Hauteur à droite485   mm

Largeur en haut686   mm

Largeur en bas687   mm

AuteurEmma, duchesse d'AQUITAINE

BénéficiaireAbbaye  de  SAINT-PIERRE  de  BOURGUEIL

Regeste

Emma, duchesse d'Aquitaine et comtesse de Poitiers, fonde le monastère de Bourgueil.

Texte

l.1 Magno munere ineffabilis Dei clementiae multiplicantur gaudia dum constitutio apostolica eo stabilitatis viget tenore, quo illam apostoli apostolorumque successores salubri consilio statuendam censuerunt vita sibi comite, set dum venenosa antiqui hostis cotidianis inpugnationibus perturbatur
l.2 astutia, heu pro dolor! non modici meroris nubilo omnis obfuscatur universorum fidelium mater ecclesia. Quapropter nullatenus ab institutionis apostolicae fidelissimo tramite vel ad modicum opere precium congruit nos deviare, set in eo regalis viae quadrata soliditate spiritualiter persistere, in eo demum elaborando
l.3 desudare, quathenus nobile fundamentum status prefatae matris ecclesie inviolabile valeat perdurare, tutissimo illius opitulationis juvamine, qui est lapis angularis parietis utriusque. Etenim quemadmodum fluctuante undivago aequore, amisso remi subsidio, cujuspiam navicule multiplicium
l.4 mercium quantitatibus replete fune disrupto undarum cumulis anchorae mergitur jam jamque carina periclitando, pessumdantur simul et omnia adquisita negotiationum commercia. Non aliter si labefactari ceperint columne ecclesiȩ, quae super bases argenteas stabilite describuntur
l.5 in Salomone, nimirum dicto cicius tabescet atque subruetur aedificatio regiae aulae, in cujus reclinatorio aureo regis perpetui capud acclinet debeat requiescere. Set quia super bone nostrae actionis semina inimicus homo antiqus, videlicet humani generis infestator, circumcirca super
l.6 spargere non desinit per membrorum suorum captiosorum hominum invidiȩ zizania quicumque istiusmodi voluntatis a Christo praeventus fuerit gracia, oculatum illud atque propheticum ante et retro debet effici animal legalisque instrumenti auctoritatibus que Dei et sanctorum illius
l.7 terrenorum comodorum obtulerit cultoribus, ne deinceps calumpniae quibus collata fuerint patiantur, controversiam alicujus inconvulse descriptionis tenorem procurare festinet his quantotius. Quamobrem ego Hemma, licet non meis meritis, tamen preunte
l.8 divina clementia humilis Pictavorum commitissa, notum fieri cupio cunctis fidelibus sanctȩ Dei ecclesiae fidelibus, presentibus scilicet atque futuris, diversi ordinis diversequae aetatis utriusque sexus, me[.]am quoddam monasterium in mea curte Borgolio construxisse, in honore
l.9 videlicet sanctȩ Trinitatis atque inmensȩ ejusdem majestatis necne et beati Petri apostolorum principis, seu omnium sanctorum Dei sub norma videlicet sancti Benedicti quataenus boni monach[i.....]nuli valdeque religiosi pro statu sancte matris ecclesie regi regum feliciter inibi queant
l.10 militare. Trado denique ad ipsum monasterium ipsam curtim cum omnibus suis abjacenciis, scilicet villis, molendinis, vineis, pratis, silvis, terris cultis et incultis, quȩsitis et adquirendis, et cum omnibus rebus ad ipsam curtim et ad eandem potestatem pertinentibus,
l.11 et trado ad ipsum monasterium, in pago Pictavo, dimidiam curtim de Cassanias et mediam ecclesiam ejusdem curtis, et quicquid ad mȩdiȩtatem curtis et ecclesie pertinere videtur. Item coedo ad eundem caenobium dimidiam curtim de Vosalia et totam ecclesiam.
l.12 Set placet nobis inscripturarum seriae aliquid inserere, quod non debet foenestella scriptu preterire, quia pro quibusdam rebus, scilicet pro terris censivis, volumus ut monachi ejusdem loci singulis annis ad festivitatem omnium sanctorum solvant censum quinque librarum
l.13 canonicis Sancti Hylarii. Item trado ad ipsum locellum quandam ecclesiam, super rippam Ausancie, nomine Magniacum, cum pratis, molinariis, vineis, decimis et quicquid ad ipsam pertinere videtur. Item coedo villam que dicitur Cygon, juxta ripam ejusdem
l.14 Ausanciȩ, cum pratis, terris, molinariis, vineis, et quicquid ad ipsam pertinere videtur. Et in alio loco item coedo alodum meum qui dicitur Cyliacus et ipsam ecclesiam, cum silvis, pratis, et mancipiis, et quicquid ad ipsam pertinere videtur. Et in alio loco item
l.15 cedo alodum meum qui dicitur Carvas et quicquid ad ipsam pertinere videtur. Cognoscens quippe non ex me hoc mihi accidisse, set precedente hac subsequente clementia ipsius, a quo omne datum obtimum et omne donum perfectum
l.16 sumpsimus, incoavimus perficere quod desiderio flagrabat mente, unde, venerande papa noster domine Johannes, dirigimus vestram paternitatem hoc privilegium ad confirmandum et corroborandum, ut vestri honomate vestrique signi
l.17 tactu et imperii nutu, omni tempore inconvulsum maneat et stabile. Futurorum autem apostolicorum non corpore set mente provoluta, precor ut si quis, cujuspiam fraudis nequicia vel cupiditatis face accensus proterva,
l.18 hoc privilegium infringere voluerit, sua excommunicacione ligatus, iram Dei omnipotentis, scilicet sanctȩ Trinitatis ejusdemque inmense majestatis beatique Petri apostolorum principis, omniumque sanctorum Dei incurrat. Quicumque autem diabolici instinctus temerario provocatus
l.19 ausu, huic nostrȩ auctoritatis syngrafo refragationis obicem protervum ingerere nisus fuerit, excommunicationis atque anathematis eum, ex auctoritate summe et vivificȩ Trinitatis, Patris et Filii et Spiritus Sancti, innodamus vinculis atque
l.20 alienum facimus a consorcio beate Mariae ejusdem genitricis beatique Petri apostolorum principis omniumque sanctorum Dei. Si autem aliquis ex prefatis rebus Deo et sancto Petro ceterisque aliis sanctis concessis sine voluntate monachorum prefati caenobii aliquid
l.21 inquietare voluerit, cum Juda, Domini proditore, Anna et Caïpha atque Pilato, atque cum Dathan et Habiran, damnationem perpetuam accipiat, nisi cum satis[fact]ione ȩmendaverit.
l.22 [croix] Ego [Johannes] sancte catholice et apostolice ecclesie presul.
l.23 Hȩc scriptio facta et ante nostram presentiam adducta, mox ut eam vidimus et perlegimus, roboravimus et firmavimus, et manu nostra in ea scripsimus in superiori versu, stabilientes ut perpetuo sit firma et robo-
l.24-rata et quisquis ab ea aliquid minuare et fringere temptaberit, fiat anathematizatus et cum Juda proditore dampnatur; conservator autem hujus nostre jussionis, omni benedictione repleatur.
l.25 ANNO AB INCARNATIONE DOMINI NOSTRI JHESU CHRISTI DCCCCLXXXX, INDICCIONE QUOQUE TERCIA.

Bibliographie

DELAVILLE LE ROULX (J), Notice sur les chartes originales relatives à la Touraine antérieures à l'an mil, Tours, 1879, p. 31-34, n° 1.

Responsable

M.-J. Gasse

Comment citer cette notice

Acte n°1402 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1402»[En ligne] http://www.cn-telma.fr/originaux/charte1402/. Date de mise à jour : 29/03/12.