Chaumont, AD Haute-Marne, G 1 n° 11

<< < / > >>

Numéro140

Fiabilité de l'actenon suspecté

Genrediplôme

Date28/08/885(fiabilité :édition)

LieuLorsch(lat :monasterio quod dicitur Lauressam)

DiocèseLangres

RégionChampagne/Ardenne

Supportparchemin

Chirographienon

Sceau sceau pendant perdu

Etat de la traditionoriginal

Hauteur à gauche610   mm

Largeur en bas530   mm

AuteurEmpereur Charles III le Gros

BénéficiaireChapitre cathédral  de  LANGRES

Regeste

Charles le Gros, empereur, ordonne la restitution de l'abbaye Saint-Jean de Réômé à la cathédrale de Langres.

Texte

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, DIVINA FAVENTE CLEMENTIA IMPERATOR AUGUSTUS. SI VENERABILIUM PONTIFICUM JUSTIS ET RATIONABILIBUS PETITIONIBUS, QUAS PRO ECCLESIARUM [SIBI COMMISSARUM UTILITATI]-
l.2-bus nostris auribus intimaverint, assensum praebemus et eas ad effectum perpetuae stabilitatis perducere satagimus, non solum in hoc nostram imperialem exercemus consuetudinem, verum etiam hoc ipsum ad praesentem vi[tam cum felicitate transigendam]
l.3 et ad futuram quantotius capessendam nobis profuturum esse non dubitamus beatitudinem. Quapropter omnium fidelium sanctae Dei ecclesiae nostrorumque tam praesentium quam et futurorum comperiat sollertia, quia Ge[ylo sanctae Lingonensis]
l.4 ecclesiae reverendus antistes nostram adiens serenitatem excellentiae nostrȩ innotuit, qualiter quam plurimae res possessiones et abbatiae, quae ecclesiae commissae exiguitati suae antiquitus juste et ra[tionabiliter delegatae fue]-
l.5-rant, quorundam principum tyrannica sacrilegaque temeritate atque inlicita praesumptione sine omnipotentis Dei respectu substractae fuissent. Hujus itaque rei causa ad nostram se colligens majestatem [humiliter postulavit],
l.6 quatinus pro Dei amore et sanctorum reverentia aliquid ex eisdem rebus praenominatae ecclesiae suae per auctoritatis nostrae praeceptum restituere dignaremini. Cujus nos laudabilibus petitionibus aurem sereni[tatis nostrae accomo]-
l.7-dantes atque in omnibus consentientes et quod quorundam principum tyrannica sacrilegaque temeritas per violentiam abstulerat, ut nos eidem ecclesiae aliquid restitueremus bonum, in omnibus praevidentes pro [amore omnipoten]-
l.8-tis Dei et sancti Mammetis martyris obtentu, in cujus honore haec eadem ecclesia Lingonensis celeberrime dicata habetur, et pro reverentia beati Jacobi apostoli et fratris Domini, cujus brachium in ea conditum est, [simul et ob depreca]-
l.9-tionem Liutuhardi venerabilis Vercellensis ecclesiae episcopi necnon et ob devotionem praescripti Geylonis ejusdem ecclesiae episcopi abbatiam Sanctae Mariae et Sancti Johannis confessoris in pago Tornotrensi et in loco qui Reumau [nuncupatur atque super]
l.10 fluviolum qui Gorzia dicitur, ubi idem venerabilis confessor manu propria monasterium aedificavit et in quo ipse decentissimo requiescit honore, cum ecclesiis ac omni familia utriusque sexus omnique re ad eandem abbatiam
l.11 juste et rationabiliter pertinenti saepefatae ecclesiae Lingonensi, cui jure antiquitus fuerat delegata, per auctoritatis nostrae praeceptum reddimus et condonamus donatumque inperpetuum esse definimus, per quod statuentes decernimus et nostram [imperialem]
l.12 auctoritatem in omnibus confirmamus, ut praedictum monasterium, in quo saepefatus confessor requiescit, cum omni abbatia ad illud aspicienti abhinc et deinceps ad episcopium Lingonensem pertineat et quemadmodum aliae res eidem ecclesiae competentes conjuncte [sunt],
l.13 ita et ipsa abbatia illi conjuncta et unita habeatur atque sub rectorum illius potestate et ordinatione perpetuo consistat, eo videlicet tenore ut pro nobis atque antecessoribus nostris et conjuge ac prole nostra seu totius imperii nostri stabilitate Dei [clementiam]
l.14 haec eadem ecclesia assidue exoret et annis singulis die consecrationis nostrae congregationi ejusdem ecclesiȩ et monachis in jamdicto monasterio Deo famulantibus una refectio ab episcopo nobiliter praeparetur et honorifice exhibeatur; post [nostrum quoque ex hac vita]
l.15 discessum dies anniversarii nostri cum praecibus et oblationibus missarum devotissime recenseatur, et haec eadem refectio eisdem congregationibus absque aliqua relaxatione administretur. Et ut haec nostra concessio firmiorem per futura [tempora]
l.16 in Dei nomine obtineat vigorem et a fidelibus nostris verius certiusque credatur ac diligentius observetur, manu propria firmavimus, et bulla nostra subter sigillare jussimus.
l.17 SIGNUM [monogramme] DOMNI KAROLI SERENISSIMI IMPERATORIS AUGUSTI.
l.18 INQUIRINUS NOTARIUS AD VICEM LIUTVUARDI ARCHICANCELLARII RECOGNOVIT ET [ruche_notes_tironiennes] [Amen, amen, amen, amen, amen, amen, amen, amen, amen, amen].
l.19 Data V kalendas septembris, anno incarnationis Domini DCCCLXXXV, indictione III, anno vero regni domni Karoli VIIII, imperii autem V. Actum monasterio quod dicitur Lauressam. In Dei nomine, feliciter. Amen.
l.20 [sceau].

Bibliographie

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 4, Instr, col. 133-134, n° 9.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 344, n° 12.

ROSEROT (Alphonse), Diplômes carolingiens originaux des archives de la Haute-Marne, in Bulletin de la Société des Sciences historiques et naturelles de l'Yonne, 47 (1893), p. 503-539, p. 519-521, n° 10.

KEHR (P.), Die Urkunden Karls III., Berlin, 1937 (MGH Diplomata regum Germaniae e stirpe Karolinorum, 2), p. 206-207, n° 129.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 4 (fac-similé).

BAUTIER (Robert-Henri), Les diplômes royaux carolingiens pour l'église de Langres et l'origine des droits comtaux de l'évêque, in Cahiers Haut-Marnais, 167(1986), p. 145-177, p. 161-162 (fac-similé).

Responsable

M. Courtois

Comment citer cette notice

Acte n°140 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°140»[En ligne] http://www.cn-telma.fr/originaux/charte140/. Date de mise à jour : 29/03/12.