Hugues Capet, roi de France, confirme les biens et privilèges de l'abbaye Saint-Remi de Reims.

l.1 In nomine Patris et Filii et Spiritus Sancti, Hugo, gratia Dei Francorum rex. Universis fidelibus nostris tam praesentibus quam futuris notum fieri volumus quoniam celsitudinem nostram
l.2 reverendus abbas Arbodus atque sibi subdita beati patris Remigii monachorum congregatio humiliter expetierunt, quatinus immunitates ab anterioribus Francorum regibus
l.3 sacro loco concessas ex rebus quas ȩcclesia jure quieto possidet nostrae auctoritatis decreto concedere ac confirmare placeret. Quorum fideli voto libenter consentientes praecipue
l.4 pro ipsius beati Remigii amore quod petebant concessimus. Illudque nostra auctoritate confirmavimus ut monachi ibidem sub abbatis regulari praecepto viventes sine aliqua
l.5 inquietudine Deo militent et suo officio regulariter vacent. Igitur sicut mos est regum regiae praeceptionis auctoritate constituimus in primis ut castrum in quo ipse
l.6 beatus pastor corpore quiescit omni immunitate sit defensum liceatque fratribus in eo habere camas et furnos necnon et mercatum cum res illud postulaverit et quaecumque ad
l.7 eorum usus necessarios utilia visa fuerint illos in eo habere permittimus et donamus. Nullusque intra ejusdem castelli girum et extra sibi adjacentes terras quamlibet judiciariam
l.8 audeat exercere dominationem contra ipsorum voluntatem simulque burgum et camas et hortos cum omnibus adjacentibus suis necnon et molendinos ab omni externa potestate alienamus
l.9 decimas sicut ab antiquo ad hospites suscipiendos hospicio illorum concedimus. Villas omnes ejusdem sancti ab omni aliena judiciaria potestate defendimus hoc est in primis
l.10 castrum cum adjacentibus suis, Crusniacum villam cum adjacentibus suis, Villare Aledranni cum adjacentibus suis, Villare in Silva cum adjacentibus suis, Caziacum, Condatum cum adjacentibus suis, Tasciacum,
l.11 Saciacum, Basilicam Cortem, Salicem Sancti Remigii, Bainam, Hermundi Villam, Tiliam, Genvereium, Corbiniacum, Craubennam, Viriliacum, Baironem, Pontem Bairi, Caniacum vicum, Gerson,
l.12 Gerzei, Vaunei, Cortem Ausorum, Villare, Luponis Montem, Druliacum, Condadam cum omnibus adjacentibus suis necnon et totam terram quae est in Vosago simul etiam Marsnam, Littam, Covernam,
l.13 Rettinas et Angleduram cum adjacentibus suis et quidquid est quod recte sit pertinens ad jus sancti Remigii et quod ad presens possidet et quod in futurum adquiret et possidebit sive sit
l.14 ȩcclesia, sive villa, sive mansionile, sive predium ab aliquo datum et omnia quae ejus vel sunt vel erunt sive mobiles res sive immobiles nostrae auctoritatis decreto roboramus, defendimus,
l.15 et ab omni externa potestate archiepiscopi, episcopi, comitis, vicecomitis prohibemus. Et ut hoc hujusmodi immunitatis nostrum regale preceptum per succedentia tempora maneat, manu nostra et
l.16 sigilli nostri nostri impressione firmavimus.
l.17 [monogramme] [sceau].