Thibaud, fils d'Adémar vigier de Poitiers, donne à l'abbaye les enfants et petits-enfants d'Audoin d'Anché, et reçoit quatre livres.

l.1 Regum ac principum mores extitisse non dubium est, ut tributum, possessiones, vectigalia, et cetera hujusmodi
l.2 in cartulis exarasse ne ipsi aut successores eorum oblivioni traderent, sicque jus sue hereditatis amitterent.
l.3 Ceterum sancti Patres gubernacula sanctae aecclesiae tenentes si quando aut servitia, aut honores, sub jure
l.4 sue basilice aut precio coemerint, aut pro elemosina collata fuerint, ne a perversis per negligentiam aut
l.5 presentium oblivione aut successorum inscicia amitterentur, scriptis comendasse traduntur. Quorum
l.6 exemplo comoniti tam modo superstitibus quam dehinc futuris abbatibus videlicet ac monachis necnon et fami-
l.7-liaribus Nobiliacensis cenobii notum facere volumus quod Tetbaudus, Ademarii Pictavensis vicarii
l.8 filius, filios et filias et nepotes Audoini de Anxiaco necnon et progeniem ejus dono, et concedo fa-
l.9-ventibus meo patre et fratre, genitrici Dei Mariae et confessoribus Hylario atque beato JUNIANO. Inde tamen
l.10 hujus rei gratia quatuor libris Pictaviensis monete acceptis a Gaufredo abbate, que res videlicet
l.11 ut firmius stare noscatur, do firmiter fidem meam quatenus si quis ex parentibus meis obvi-
l.12-are huic dacioni voluerit promittens me iturum in quamcumque nobilium curiam
l.13 abbas vel monachi ducere voluerint ut hoc infringibile permaneat. Cujus rei testes multi
l.14 esse noscuntur quorum nomina sunt haec: Abbas Gaufredus, Isembertus, Vitalis, Rainaldus,
l.15 monachi. Laicorum nomina sunt haec: Petrus Gundoinus, Maiguodus frater ejus, Guillelmus Tonsus, Gau-
l.16-fredus Clarebaudus, Aimericus Potinus, Garnerius Temperius.