Hugues Camarleng donne à l'abbaye de Montierneuf la terre de Migné, entre l'Ausance et Poitiers, ainsi qu'un cens de dix-sept deniers.

l.1 Precedentium patrum auctoritate instruimur litteris denotare, quicquid poste-
l.2-rorum noticiae volumus pervenire. Quapropter ego Hugo Camarleng notum fieri
l.3 volo tam presentibus quam futuris donum quod feci Novo Monasterio amore Petri
l.4 filii mei in eodem monasterio monachicum habitum suscipientis. Dono autem pre-
l.5-dicto monasterio ob suprascripti filii mei dilectionem, et ob dominorum meorum,
l.6 comitis videlicet, et comitissae eorumque filii salutem, concedentibus eisdem dominis meis,
l.7 Willelmo comite cum comitissa et Willelmo eorum filio, omnem terram quam habebam
l.8 prope fluvium Ausantiam ex una parte et altera et pratrum. Inter ipsum
l.9 fluvium et Pictavam civitatem, omnia libera et quieta sine ulla consuetudine.
l.10 Dono etiam censum XVIItem denariorum cum honore, ad monetam veterem.
l.11 Factum est hoc donum in manu domni Marci abbatis et supradicti dominorum meorum
l.12 filii qui hoc in sua tuitione suscepit, videntibus de monachis: Arnaldo monacho,
l.13 Arveo camarario monacho, Willelmo preposito monacho, et Martino monacho, Rainaldo subcantore Sancti
l.14 Petri et predicti filii comitis didascalo, Petro Diensi, Radulfo preposito, Aimo Rufo
l.15 Aimerico de Sancto Savino, de famulis monachorum Arveo camarario, et Rotberto Bur-
l.16-gundione mariscalco, et aliis pluribus.