Hugues de Chitré donne à l'abbaye de Nouaillé sa part du bois de Bourneau et confirme les donations faites dans ledit bois par ses frères Geoffroi et Guillaume.

l.1 Dum ruit hȩc vita hac defluit, ruinam in se confidentium in proximo esse ostendit. Quapropter unumquemque quamdiu in ea
l.2 vivit de animȩ suȩ salute tractare debet, ut et si non eam ex toto relinquere prevalet, saltem delicta sua cotidianis helemosinis
l.3 et justis de proprio ad sacra loca donationibus purgari festinet. Quod ego Ugo de Chistrec tandem perpendens illam partem quam
l.4 in nemore Bornel habere visus sum, do Deo et beatȩ Mariȩ beatoque Juniano favente genero meo Petro cognomento Maledicto
l.5 et filia mea, concedo aetiam illam helemosinam adque donationem quam frater meus Gaufredus moriens de parte sua fecit. Concedo ȩtiam
l.6 donum quod Willelmus frater meus fecit, omni spe has repetendi, omnibus fratribus parentibus, heredibusque meis ablata. De his autem quȩ in querimoniam
l.7 inter me et abbatem Bertramnum huc usque duximus, notum omnibus fieri volo nos in placito quod apud Calviniacum habuimus ad finem adque
l.8 amicitiam pervenisse, meque ibi habuisse in conventione hac semper habere ut si quis illam partem quam de supradicto nemore feci voluerit
l.9 contradicere, ego eam defendam et ad sanctum JUNIANUM adquirere juvem. Ego Ugo manu mea hanc cartam firmavi cum meo genero
l.10 Petro et hanc convenentiam habui cum abbate Bertramno. Testes sunt isti: Ugo de Cella, Helias prepositus de Calviniaco. Petrus de Fraisinel, Petrus Puel.
l.11 Fulcois de Voec, Maingod Gundoins, Aimo Corbel.
l.12 [croix] [croix].