Engelbert, prévôt de la forêt de la Sèvre, rend aux moines de Saint-Maixent une terre qui devait leur faire retour après sa mort, pour un cheval gris pommelé et leur cède un champ qu'il avait acheté au comte Guillaume pour une épée.

l.1 Sepe experimento didicimus quod ea quȩ voluntario animo et recta fide a precedentibus patribus dantur vel venduntur
l.2 ȩcclesiis aut secularibus, a sequentibus filiis prava et iniqua voluntate violenter auferuntur, in quibus oblivio officit, memoria
l.3 adjuvat. Idcirco hujus scedȩ scripto memoria cernitur, quod Engelbertus silvȩ quȩ Savra nuncupatur prepositus, terram quam
l.4 ei monachi Sancti Maxentii tantum in vita sua dederant tali pacto ut post mortem ejus reverteretur ad sanctum, hanc ipse superstes
l.5 eis per unum equum liardum in perpetuum reddidit. Est autem terra ipsa inter viam quȩ ducit ad Fenestram et silvulam quae
l.6 vocatur Garmentarius. Tunc etiam campum quem emit per unum ensem a comite Guilelmo eis similiter dedit, qui campus vocatur
l.7 Falgerius Clausus.
l.8 Actum est in capitulo sancti Maxentii, temporibus Phylippi regis Francorum, et Wilelmi infantis ducis Aquitanorum, necne
l.9 Petri pontificis Pictavorum, anno ab incarnatione Domini MLXXXoVIIIo.
l.10 Signum Engelberti ipsius. Signum Jamonis Marscalli. Signum Garini Barbȩ.