Isembert, évêque de Poitiers, donne au nouveau monastère de Poitiers l'abbaye Saint-Paul de Poitiers. Le duc Guillaume VIII concède en échange au chapitre de Saint-Pierre la foire qui se tient le jeudi saint devant la cathédrale.

l.1 In nomine sanctȩ et individuae Trinitatis. Ego Isembertus, gratia Dei Pictavorum episcopus, omnibus sanctae matris Ecclesiae alumpnis tam presentibus quam et futuris volo manifestari, quia Wil-
l.2-elmus dux Aquitanorum qui et Goffredus vocatur, me deprecatus est, ut abbathiam sancti Pauli quam ipse a me, et antecessores sui ab antecessoribus meis in casamento habuerant,
l.3 et quam ipse de manu Cadalonis vicecomitis de Oenaio abstraxerat et deliberaverat, qui Cadalo ipse quoque a Guillelmo duce, et antecessores sui ab antecessoribus ducis, eam fiscaliter ha-
l.4-buerant, deprecatus est igitur, ut supradictam abbaciam sancti Pauli cum omnibus rebus abbaciae pertinentibus monasterio in honore sanctȩ Dei genitricis virginis MARIAE et sancti JOHANNIS Evangelistae
l.5 et sancti apostoli Andreae ab ipso constructo concederem. Cujus petitionem libenter suscipiens, consilio et consensu canonicorum sancti Petri principis apostolorum, jamdictam abbaciam sancti Pauli, cum
l.6 omnibus rebus abbaciae pertinentibus, supradicto monasterio sanctȩ Dei genitricis virginis Mariae et beati JOHANNIS Evangelistae et sancti apostoli Andreae, ea ratione concessi ut monachi illius loci
l.7 sȩpedictam abbaciam sancti Pauli et omnes res abbaciȩ pertinentes, nemine contradicente in perpetuum habeant et possideant. Nam ipse dux Guillelmus vendam totius, et solius diei Cenȩ
l.8 Domini, quam sui servientes capiebant de mercatoribus vendentibus illa die ante portam Sancti PETRI et ad arcum, et circumcirca penes sancti Petri monasterium, totam illam vendam
l.9 illius diei canonicis propriam dimisit, ut ego et canonici, hoc quod ipse petebat de abbacia sancti PAULI libentius concederemus. Si quis ergo contra hanc concessionis de abbacia
l.10 sancti Pauli cartam calumpniando insurrexerit, iram omnipotentis Dei et sanctae Dei genitricis virginis MARIAE et beati JOHANNIS Evangelistȩ, et sancti apostoli Andreae incurrat, et a corpore et
l.11 sanguine Domini nostri JHESU CHRISTI separatus in perpetuum permaneat, nisi cessaverit a calumpnia. Ut igitur firma permaneat, ego eam meis manibus firmavi, et eam canonicis, et aliis opti-
l.12-mis viris quorum nomina subscripta habentur, ad firmandum tradidi.
l.13 S. Ugonis cantoris. S. Reginaudi abbatis Sancti Cypriani.
l.14 [croix] S. Isemberti episcopi. S. Hunberti decani. S. Radulfi archidiaconi. S. Gaufridi archidiaconi. S. subcantoris Goscelmi. S. Petri subdecani. S. Odonis.
l.15 S. Aimerici capellani. S. Gaufridi Bernardi. S. Aimeri Aierici. S. Petri. S. Rotberti vitrerii. S. Johannis. S. Bartolomei. S. Josberti. S. Auberti divitis. S. Reginaldi. S. Rorgonis. S. Richardi. S. Launi.
l.16 S. scriptoris Hylarii.
l.17 [croix] S. Willelmi comitis videlicet Aquitanorum ducis. [croix] S. Guillelmi filii sui. S. Rotberti Burgonis. S. Maingaudi de Mella et fratrum suorum. S. Ugoni prepositi. S. Petri de Briderio. S. Fulconis Normandi. S. Gaufridi de Chaumonte.
l.18 S. Aldeberti comitis. S. Engelelmi de Mortemara. S. Aimari vicarii.
l.19 Acta sunt haec Pictave VIto idus julii, anno ab incarnatione Domini nostri Jhesu Christi milesimo octogesimo primo, in Francia rege PHILIPPO, in Aquitania duce Guillelmo dicto Goffredo.
l.20 Guillelmus cancellarius relegendo subscripsit.