Hubert donne à l'abbaye de Saint-Maixent l'ensemble de ses biens, en échange de la liberté d'épouser Aldeiaerz et de disposer, sa vie durant, de ses biens.

l.1 Ego in Dei nomine Ucbertus filius Bernardi Bel Infant placuit michi uxorem ducere legitime sicuti decet aliis in seculo
l.2 manentibus facere. Vocatur autem haec mulier Aldeiarz. Petivi quoque a senioribus loci ex loco sancti Maxentii ad-
l.3-jutoris, cui tunc temporis preerat domnus Archimbaldus abbas, ut michi eam donarent cum omnia quae illius esse
l.4 videbantur, tali modo vel mensura, ut si michi vita post ejus discessum comes esset, ego dominus essem ex supradictis illius
l.5 causis. Hanc autem petitionem seniores cernentes, omnino adquiescere recusaverunt, eo quod Galterius suus primus maritus
l.6 et ipsa, illo vivente donationem fecerint beato Maxentio, vel monachis in eodem loco degentibus. Ego vero amore ductus,
l.7 et in societate seniorum manere volens, dono post mortem meam omnia, quod meum modo esse videtur sancto Maxentio vel seni-
l.8-oribus, scilicet in terra Girberti de Ulmellum dimidium juctum de vinea; et in villa quȩ dicitur Nantolio dimidium juctum
l.9 de vinea in alodum; in terra vero sancti Maxentii ad puteum, qui dicitur Ebrardi, dimidium juctum de terra laboratoria, et
l.10 in ipso loco, unum carterium de vinea, et omnia quod ex rebus patris mei vel matris, aliorumque parentum meorum
l.11 michi advenerit, aut ego adquisiero secundum vires meas. Hoc vero ita assensum dederunt, scilicet domnus abbas Archimbaldus
l.12 vel alii seniores, ut si ego isti feminȩ supervixero, omnia quȩ illius sunt habeam ut dominus; quod si illa plus vixerit
l.13 quam ego, similiter illi omnia remaneat, quod hic ex mea parte scriptum esse videtur. Ita tamen, ut post nostrum discessum
l.14 nullus homo aut mulier sit, qui ex hoc partem requirat, sed in loco beati Maxentii conservetur, ad usum senioribus
l.15 ibidem manentibus. Quod si haec mulier ante me mortua fuerit, et ego aliam duxero, et infantes ex illa michi nati fue-
l.16-rint, nullus ex illis in hoc partem requirat. Illo vero in tempore quod hoc factum est, gubernabant honorem Picta-
l.17-vicam domnus Willelmus comes, necnon ejus germanus Gosfredus atque eorum genitrix Agnes comitissa venerabilis,
l.18 prudentissima, sive in omnibus Deo amantissima, atque in episcopatu Pictavensi manente domno Hisemberto episcopo.
l.19 Data die IIII nonas marci, regnante domino nostro Jhesu Christo.
l.20 S. domni Archimbaldi abbatis. S. Garnaldi. S. Durandi. S. Johanni. S. Stephani. S. Petroni magni.
l.21 S. Hisemberti qui hanc cartulam scripsit. S. Ucberti qui hoc scribere jussit. S. uxori ejus Aldeiart.
l.22 S. Bernart Bel Enfant. S. Giraldi fratre Ucberto.